Ajit Pawar : '...मग मलाही चांगलीच जिरवता येते, मागे लागलो ना!', अजित पवारांचा थेट इशारा

धुळेः पाडापाडीचं अन् जिरवाजिरवीचं राजकारण कराल तर याद राखा, माझ्यासारखा मागे लागला तर मी कुणाचा विचार करत नाही. असा थेट इशारा राष्ट्रवादी काँग्रेसचे ज्येष्ठ नेते तथा विधानसभेचे विरोधी पक्षनेते अजित पवारांनी दिला आहे.

अजित पवार हे आपल्या रोखठोक बोलण्याचं सर्वपरिचित आहेत. त्याचं बोलणं हे समोरच्याला दम भरणारं असतं. आजही असंच झालं. धुळ्यात राष्ट्रवादी काँग्रेसच्या मेळाव्याचं आयोजन करण्यात आलेलं होतं. यावेळी अजित पवारांनी उपस्थित कार्यकर्त्यांना सज्जड दम दिला.

यावेळी बोलतांना अजित पवारांनी फोडाफोडीच्या राजकारणावरुन कार्यकर्त्यांना दम भरला. ते म्हणाले की, पक्षांतर्गत पाडापाडीचं राजकारण करुन नका, नाहीतर मला चांगलीच जिरवता येते. नव्या उमेदीने कामाला लागा, असा इशारा त्यांनी दिला.

काय म्हणाले अजित पवार?

पाडावाडी.. जिरवा जिरवी.. असलं राजकारण बंद करा. मलाही चांगली जिरवता येते. माझ्यासारखा मागे लागला ना.. मी कुणाचा विचार करणार नाही; असा थेट इशारा अजित पवारांनी कार्यकर्त्यांना दिला.