![Akola Lok Sabha 2024 Election: अकोल्यात प्रकाश आंबेडकर पिछाडीवर, भाजपलाही धक्का](http://media.assettype.com/esakal%2F2024-06%2F7a5f9d9f-bf83-4eba-b619-eaf4b1e7250d%2Fchinmay_jagtap___2024_06_04T120515_866.jpg?w=480&auto=format%2Ccompress&fit=max)
Akola News: अकोला लोकसभा मतदारसंघात पहिल्या फेरीपासूनच महाविकास आघाडीचे डॉ. अभय पाटील हे आघाडीवर असल्याचे दिसून येते. सातव्या फेरी अखेर डॉक्टर अभय पाटील यांना एक लाख 27,493 मते मिळाली असून भाजपचे अनुप धोत्रे यांना 1,13,292 एवढी मते मिळाली आहे. तर वंचित बहुजन आघाडीचे उमेदवार एडवोकेट प्रकाश आंबेडकर यांना 81,188 एवढी मते मिळाली असून आतापर्यंत सहाव्या फेरी अखेर 46,305 मतांनी आंबेडकर पिछाडीवर आहेत.
अकोला लोकसभा मतदारसंघ हा राज्यातील राजकारणाच्या दृष्टीने अत्यंत महत्वाचा मतदारसंघ मानला जातो. 2004, 2009, 2014, 2019 अशा चार निवडणूकांमध्ये दणदणीत विजय मिळवत भाजपाचे खा. संजय धोत्रे यांनी अकोला लोकसभेचा गड कायम ठेवण्यात यश मिळवले होते. (Akola Lok Sabha Election 2024 Highlights)
त्यांचे सुपूत्र अनुप धोत्रे व डॉक्टर अभय पाटील व अडवोकेट प्रकाश आंबेडकर यांच्या तिहेरी लढत अकोल्यात पहायला मिळत आहे. प्रकाश आंबेडकरांना निवडणूकीचा चांगला अनुभव आहे. त्यातुलनेत इतर दोन्ही उमेदवार पहिल्यांदाच निवडणूक लढवत आहेत.
अकोला लोकसभा मतदार संघात १९८४ पासून झालेल्या १० लोकसभा निवडणूकीत ॲड. आंबेडकर निवडणूक रिंगणात होते. तिरंगी लढतीत त्यांना आठ वेळा पराभवाचा सामना करावा लागला. १९९८ व १९९९ मध्ये काँग्रेसच्या पाठींब्यावर ॲड. आंबेडकर विजयी झाले होते. सरळ लढतीत १९९८ साली आंबेडकर केवळ ३२,७८२ एवढ्या कमी मताधिक्याने विजयी झाले होते.
त्यावेळी काँग्रेसचे नेते शरद पवार यांनी अकोल्यात मुक्कामी थांबून सहकार लॉबीला तंबी देत आंबेडकरांना विजयी करण्याचा दम दिल्याने आंबेडकर विजयी होवू शकले. त्यानंतर १९९९ च्या निवडणूकीत राष्ट्रवादी काँग्रेस पक्ष स्वतंत्रपणे निवडणूक रिंगणात होता. या पक्षातर्फे अकोल्यात डॉ. संतोष कोरपे हे मराठा पाटील समाजाचे उमेदवार होते. त्यांना १,२३,६४० मते मिळाल्याने बहुतांश भाजपाचीच मते कमी झाली. तरी सुध्दा अॅड. आंबेडकर केवळ ८,७१६ एवढ्या कमी मताधिक्याने विजयी झाले होत.
१९८४ पासून झालेल्या निवडणूकीत ज्यावेळी काँग्रेसतर्फे मराठा पाटील उमेदवार रिंगणात होता त्यावेळी ॲड. आंबेडकर विजयाच्या जवळ गेले वा विजयी झाल्याचा इतिहास आहे. १९८४ च्या निवडणूकीत काँग्रेसचे मधुसूदन वैराळे यांना १,७८,८७४ तर प्रकाश आंबेडकरांना १,६५,०६४ मते मिळालीत.
आंबेडकरांचा केवळ १३,८१० मतांनी पराभव झाला. १९९६ च्या निवडणूकीत काँग्रेसने परत मराठा पाटील समाजाचे डॉ. संतोष कोरपे यांना उमेदवारी दिली होती. यावेळी ॲड. आंबेडकरांचा केवळ ९,०५३ मतांनी पराभव झाला होता. यंदाच्या निवडणुकीत सातव्या फेरी अखेर 46 हजार 305 मतांनी पिछाडीवर असल्याचे मतदानाच्या आकडेवारीवरून दिसून येते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.