Neelam Gorhe Latest News : नीलम गोऱ्हे अन् अंबादास दानवे यांच्यात जुंपली; ''विरोधी पक्षनेता असून मला...''

Neelam Gorhe Vs Ambadas Danve : विधीमंडळाचं पावसाळी अधिवेशन सध्या सुरु आहे. विधान परिषदेचे विरोधी पक्षनेते अंबादास दानवे आणि विधान परिषदेच्या उपसभापती नीलम गोऱ्हे यांच्यात वेळेवरुन जुंपल्याचं बघायला मिळालं.

सभागृहामध्ये विरोधी पक्षाच्या आमदारांना वेळ मिळत नसल्याची ओरड नेहमीच होत असते. आता तर चक्क विधान परिषदेच्या विरोधी पक्षनेत्यालाच बोलायला पुरेसा वेळ मिळाला नसल्याने खडागंजी झाली.

विरोधी पक्षनेते अंबादास दानवे बोलत असतांना उपसभापती नीलम गोऱ्हे यांनी त्यांना 'नेमका प्रश्न विचारा' असं म्हटलं. त्यावर अंबादास दानवेंनी, ''एका प्रश्नसाठी तुम्ही इतरांना पाऊण तास देता, मग मला का नाही? मला वेळ मिळू द्या'' असं म्हटलं.

त्यावर उपसभापती गोऱ्हे म्हणाल्या, तुम्ही बोला परंतु एवढा वेळ नाही. दानवे पुढे म्हणाले, - विरोधी पक्षनेते यांचा काही अधिकार आहे की नाही? त्यावर दानवेंनी पुढे आपला मुद्दा मांडला.

काही दिवसांपूर्वी एकाच पक्षात असलेल्या दोन नेत्यांमध्ये बदललेल्या राजकीय परस्थितीमुळे वितुष्ट निर्माण झालं का? असा प्रश्न उपस्थित होत आहे.