![Maharashtra Politics](http://media.assettype.com/esakal%2F2023-05%2F57da89ed-a1a3-4b8a-bf54-d9cb0b8a0401%2Fankita_khane___90_.jpg?w=480&auto=format%2Ccompress&fit=max)
राज्याच्या राजकारणात मोठ्या घडामोडी घडत असतानाच भाजपच्या मोठ्या हालचाली सुरू असल्याचं दिसून येत आहे. गेल्या काही दिवसांपासून सुरू असलेल्या राजकीय घडामोडींच्या पार्श्वभूमीवर भाजपच्या भूमिकांना महत्त्व प्राप्त झालं आहे. अशातच गेल्या काही दिवसांपासून केंद्रीय गृहमंत्री अमित शहा यांचे राज्यातील दौरे वाढल्याचे दिसून येत आहे. अमित शहा काल पुन्हा मुंबई दौऱ्यावर आले होते. (Latest Marathi political news)
राज्यात 2019च्या निवडणुकीआधी उद्धव ठाकरे, देवेंद्र फडणवीस आणि केंद्रीय गृहमंत्री अमित शाह यांच्यात बंद दाराआड चर्चा झाली होती. त्यानंतर बैठकीत काय झालं काय नाही झालं यावर बराच काळ चर्चा झाली होती .यानंतर मोठी राज्याच्या राजकारणात मोठी उलथापालथ झाली होती. काल देखील अशीच चर्चा बंद दाराआड मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अमित शाह यांच्यात झाली असल्याची माहिती आहे.
राज्यातील आगामी सर्व निवडणूक एकनाथ शिंदे यांच्या नेतृत्त्वात लढवल्या जातील असं आश्वासन अमित शाह यांनी मुख्यमंत्र्यांना दिल्याची माहिती आहे. भाजप आणि शिवसेना युतीची धुरा आगामी निवडणुकीत एकनाथ शिंदेंकडे असल्याची चर्चा राजकीय वर्तुळात सुरू आहे. याबाबत सर्वाचं एकमत झाल्याचीही माहिती समोर येत आहे.
गेल्या काही दिवसांपासून राज्यात मुख्यमंत्री बदलाच्या चर्चा सुरु होत्या. एकनाथ शिंदे यांना राजीनामा देण्यासाठी कधीही तयार राहण्याच्या सूचना भाजप नेतृत्वाकडून मिळाल्याच्याही चर्चा राज्यात जोर धरू लागल्या होत्या. त्यामुळे एकनाथ शिंदे नाराज असल्याचं बोललं जात होतं. याच पार्श्वभूमीवर ही आजची बैठक झाल्याची माहिती आहे. (Latest Political Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.