मुंबई: माजी गृहमंत्री अनिल देशमुख यांच्यासंदर्भात एक मोठी अपडेट समोर येत आहे. अनिल देशमुख यांचा ताबा आता सीबीआयकडे देण्यात आला आहे. आर्थर रोड तुरुंगातून आता सीबीआयने ताबा घेतला आहे. 100 कोटी वसुलीच्या प्रकरणी त्यांना अटक झाली होती. सीबीआय कोर्टाच्या निर्णयानंतर अनिल देशमुखांना सीबीआयने ताब्यात घेतलं आहे.अनिलदेशमुखांची मागणी फेटाळल्यानंतर सीबीआयने देशमुखांचा ताबा आर्थररोडमधून घेतला. सीबीआयच्या कस्टडीला देशमुखांनी मुंबई उच्च न्यायालयात आवाहन दिलं होतं. (Court Judgement on Anil Deshmukh Bail)
माजी गृहमंत्री अनिल देशमुख यांच्यावर मुंबईचे माजी पोलिस आयुक्त परमबीर सिंग यांनी 100 कोटी वसुलीचे आरोप केले होते. यावर हायकोर्टामध्ये याचिका दाखल करत तपासाची मागणी केली होती. त्यानंतर कोर्टाने सीबीआयला आदेश दिले होते की, यामध्ये तथ्य असेल तर एफआयआर दाखल करा आणि तपास करा. त्यानुसार सीबीआयने एफआयआर दाखल करुन तपास सुरु केला. याआधी अनिल देशमुखांना ईडीने अटक केली होती. त्यानंतर अनिल देशमुख ईडीच्या कस्टडीमध्ये होते. त्यावेळी सीबीआयने सत्र न्यायालयात धाव घेत त्यांच्या चौकशीसाठी कस्टडीची मागणी केली होती. त्याविरोधात अनिल देशमुख या मागणीविरोधात हायकोर्टात गेले होते. त्या याचिकेवर सुनावणी करण्यास हायकोर्टाने नकार दिला होता. यानंतर आता सीबीआयने अनिल देशमुखांचा ताबा घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
