मुंबईः राष्ट्रवादी काँग्रेसचे नेते जितेंद्र आव्हाड यांनी केलेल्या एका ट्वीटमुळे त्यांच्या अडचणी वाढण्याची शक्यता आहे. ज्येष्ठ समाजसेवक अण्णा हजारे यांनी आव्हाडांविरोधात कोर्टात जाणार असल्याचं म्हटलं आहे.
'ह्या माणसाने या देशाचं वाटोळं केलं.. टोपी घातली म्हणजे कुणी गांधी होत नाही' असं ट्वीट जितेंद्र आव्हाड यांनी करुन सोबत अण्णा हजारे यांचा फोटो जोडला होता.
त्यानंतर गुरुवारी सायंकाळी अण्णा हजारे यांनी माध्यमांना प्रतिक्रिया दिली असून जितेंद्र आव्हाड यांच्याविरोधात अब्रुनुकसानीचा दावा दाखल करण्यासंबंधी वकिलांशी चर्चा करणार असल्याचं म्हटलं आहे.
काय म्हणाले अण्णा हजारे?
जितेंद्र आव्हाडांनी केलेल्या ट्वीटसंदर्भात बोलताना अण्णा हजारे म्हणाले की, देशाचं वाटोळं केलं असं म्हणत असतील. पण मी एवढे कायदे केलेत त्यामुळे जनतेचा फायदा झाला आहे. माहितीचा अधिकार आज देशाला मिळाला आहे.
अण्णा पुढे बोलले की, माझ्या काही आंदोलनांमुळे यांच्या कार्यकर्त्यांचं वाटोळं झालं हे नाकारता येत नाही. यांचे बरेच कार्यकर्ते घरी गेले. ते त्यांना सहन होत नसेल म्हणून काहीतरी कुरापत काढायची आणि बदनामी करायची.
याने काही फरक पडत नाही. वकिलांचा सल्ला घेऊन ज्याने असं म्हटलं आहे त्याच्यावर अब्रुनुकसान भरपाईचा दावा दाखल करण्यासंदर्भात विचार करणार आहे, असं अण्णा हजारे म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
