मुंबई: अनिल देशमुख यांच्यावरील अटकेच्या कारवाईनंतर आता महाविकास आघाडीला दुसरा झटका लागला आहे. कारण अजित पवार यांच्या मालमत्तांवर आता आयकर विभागाने कारवाई सुरु केली आहे. उपमुख्यमंत्री अजित पवारांवर आयकर विभागाची कारवाई सुरु झाली असून हा महाविकास आघाडीला दुसरा झटका मानला जात आहे. या कारवाईमुळे आता अजित पवारांच्या अडचणीत वाढ झाली आहे.
या कारवाईअंतर्गत अजित पवारांशी संबंधित कोट्यवधींची प्रॉपर्टी 'अटॅच' करण्यात आली आहे. त्यांच्या मालमत्तांवर आयकर विभागाची कारवाई झाली असून 90 दिवसांच्या कालावधीत प्रॉपर्टी बेनामी नसल्याची सत्यता सिद्ध करावी लागणार आहे.
कुठे कुठे कारवाई?
आयकर विभागाने केलेल्या बेनामी मालमत्तेवरील कारवाईमध्ये हजार कोटींपेक्षा जास्त रकमेची मालमत्ता आहे. या मालमत्तेवर कारवाई होत असून ती प्रोव्हीजनली अटॅच करण्यात आली आहे. यामध्ये 600 कोटींची जरंडेश्वर कारखान्याची मालमत्ता, साऊथ दिल्लीतील 20 कोटींचा फ्लॅट, 25 कोटींचे मुंबईतील निर्मल हाऊस, गोव्यातील निलाय नावाचे रेसॉर्ट तसेच महाराष्ट्रातील वेगवेगळ्या 27 ठिकाणच्या जमिनी समाविष्ट आहेत. ही सारी मालमत्ता 'बेनामी' ठरवण्यात आलं आहे. ही मालमत्ता बेनामी नसल्याचं आता अजित पवार यांना सिद्ध करावं लागणार आहे, त्यासाठी त्यांना 90 दिवसांचा कालावधी देण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
