आता मुंबई महापालिकेवर जर कोणी राज्य करेल तर भाजप : आशिष शेलार

मुंबई : आता मुंबई महापालिकेवर जर कोणी राज्य करेल तर भारतीय जनता पक्ष, असा विश्वास आमदार आशिष शेलार (Ashish Shelar) यांनी व्यक्त केला. आज रविवारी (ता.१५) मुंबई (Mumbai) येथे देवेंद्र फडणवीस यांची उत्तर सभा होत आहे. त्यावेळी ते बोलत होते. सर्व राजकीय पक्ष विचलित अवस्थेत आहे. उदयपूर येथे चिंतन शिबीर होतेय. सत्तेत बसणारा पक्ष मुंबई व विकासावर बोलत नाही. मुंबईत जर कोणी नियोजनपूर्वक काम करत असेल तर ती भारतीय जनता पक्ष आहे. आम्ही मराठी कट्ट्याचे कार्यक्रम केले. आम्ही बुथ, शक्ती केंद्राचे संमेलन घेतले. वाॅर्डनिहाय आम्ही पोलखोल कार्यक्रम घेतले. आज हिंदी भाषकांचे कार्यक्रम आहे. महाराष्ट्रात राजकारण कशा पद्धतीने चालू आहे. त्याची भीती वाटते, असे शेलार म्हणाले. (Ashish Shelar Says, BJP Will Win Mumbai Municipal Corporation Election)

हनुमान चालीसा घरी म्हणा आणि बाजूच्या घरी जाऊनही म्हणा. हनुमान चालीसा म्हटले तर जेल आणि औरंगजेबाच्या कबरीसमोर झुकणाऱ्यावर एफआयआरही दाखल होत नाही. हे कोणते सरकार त्याची दिशा काय आहे ? दुर्दैव आहे. मुख्यमंत्री घोषणा करतात, की हृदयात राम आणि हाताला काम. जैतापूरला विरोध, नाणार प्रकल्पाला विरोध कोणी केला.

सगळ्याला विरोध मग कुठे हाताला काम मिळणार ? मुंबईचा मेट्रोमॅन देवेंद्र फडणवीस, मेट्रोला विरोध कोणी केला, असा सवाल त्यांनी केला.