Bacchu Kadu Accident : बच्चू कडूंचा अपघात की घातपात? मिटकरींच्या मुद्द्यानं उपस्थित झाले अनेक प्रश्न

Bacchu Kadu Accident : प्रहार जनजक्तीचे सर्वेसर्वा आणि शिंदे गटाचे आमदार बच्चू कडू यांच्या अपघातानंतर अनेक प्रश्न उपस्थित केले जात आहेत.

हे ही वाचा : गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून

अपघातात बच्चू कडू यांच्या डोक्याला आणि पायाला दुखापत झाली असून, त्यांच्यावर नागपूर येथील खासगी रूग्णालयात उपचार सुरू आहेत.

सध्या कडू यांची प्रकृती स्थिर असल्याचे सांगितले जात आहे. मात्र, बच्चू कडू यांचा घात की, अपघात असा प्रश्न आता अनेकांकडून उपस्थित केला जात आहे.

या सर्व घडामोडींमध्ये राष्ट्रवादीचे आमदार अमोल मिटकरी यांच्याकडून मोठा संशय व्यक्त करण्यात आला आहे. बच्चू कडूंचा अपघात झाला की, सत्ताधाऱ्यांनी घडवून आणलेला घातपात आहे? असा सवाल मिटकरी यांच्याकडून उपस्थित करण्यात आला आहे.

तसेच मिटकरींनी या घटनेच्या चौकशीचीदेखील मागणी केली आहे. सर्वात महत्त्वाची बाब म्हणजे कडूंनी काही दिवसांपूर्वी मंत्रिमंडळाच्या विस्ताराबाबत भाष्य केले होते.

त्याच्या काही दिवसांनंतरच बच्चू कडू यांचा अपघात झाला आहे. त्यामुळे कडू यांचा अपघात की घात असा प्रश्न मिटकरींनी उपस्थित केला आहे.

यावेळी मिटकरींनी शिंदे-फडणवीस सरकारवर भाष्य केले. ते म्हणाले की, ज्या दिवशी सर्वोच्च न्यायालयात सुनावणी होईल, त्या दिवशी हे सरकार कोसळेल, असे भाकीतही त्यांनी व्यक्त केले आहे.