मुंबईः मंत्रिपद नाकारुन बच्चू कडू यांनी एकनाथ शिंदेंच्या गटात सामील झाले. परंतु जेव्हा सरकार स्थापन झालं तेव्हा मात्र बच्चू कडू यांना मंत्रिपदासाठी डावलण्यात आलं. आता सहा महिने उलटून गेले तरी मंत्रिमंडळ विस्तार होत नाहीये, त्यामुळे बच्चू कडू आक्रमक झाल्याचे पहावयास मिळालं.
राज्यामध्ये सध्ये २३ मंत्रिपदं रिक्त आहेत. दुसऱ्या मंत्रिमंडळ विस्तारात संधी मिळेल, अशी आशा घेऊन अनेकजण बसलेले आहेत. परंतु विस्ताराची तारीख निश्चित होत नाहीये.
महत्त्वाची बाब म्हणजे राज्य सरकारने दिव्यांग मंत्रालयाची स्थापना केली होती. त्यानंतर बच्चू कडू यांनी मंत्रालयासमोर पेढे वाटले होते. हे मंत्रिपद बच्चू कडू यांनाच मिळेल, अशी परिस्थिती असतांना मंत्रिमडळाचा विस्तार मात्र होत नाहीये.
येत्या २१-२२ तारखेपर्यंत मंत्रिमंडळ विस्तार होईल, आमदारांना मंत्रिपदाची प्रतीक्षा आहे, असं संजय शिरसाट म्हणाले होते. त्यानंतर बच्चू कडू म्हणाले की, शिरसाट यांना कशी माहिती मिळाली, ते माहिती नाही. परंतु सरकारने विस्तार नसेल करायचा तर करु नये. तसं स्पष्टपणे सांगावं. उगीच खिशातून फूल काढायचं, दाखवायचं आणि पुन्हा ठेवून द्यायचं असं करु नये. विस्तार होणार असेल तर लगेच करावा... एक घाव दोन तुकडे करायला पाहिजेत, असं सगळ्या आमदारांचं मत असल्याचं बच्चू कडू म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.