लोकसभा निवडणुकीनंतर लागलेल्या निकालात महाराष्ट्रात भाजपला मतदारांनी जोरदार घक्का दिला आहे. यानंतर पक्षामध्ये अस्वस्थता निर्माण झाली असून, पक्षातील नेतेच ऐकमेकांवर आरोप करत आहेत. याचबरोबर उपमुख्यमंत्री देवेंद्र फडणवीस यांनीही पक्षाकडे आपल्याला उपमुख्यमंत्री पदातून मुक्त करावे अशी मागणी केली आहे.
दरम्यान आज मुंबईमध्ये भाजपच्या प्रमुख नेते आणि पदाधिकाऱ्यांचा मेळावा पार पडला. यामध्ये फडवणीसांनी भाजपच्या पराभवाची कारणे सांगताना पक्षाविरोधात खोट्या अफवा पसरवल्यामुळे फटका बसल्याचे म्हणाले.
यावेळी त्यांनी स्पष्टीकरण देताना परभणीचे खासदार बंडू जाधव आणि बीडचे नवनिर्वाचित खासदार यांच्या एका विधानाचा दाखला देत, विरोधकांचा विजय कशामुळे झाला हे सांगितले.
देवेंद्र फडणवीस यांनी भाजपच्या 11 जागा 1, 2 किंवा 3 टक्क्यांपेक्षा कमी मताने पडल्या आहेत. त्यासाठी त्यांनी धुळे मतदार संघाचे उदाहर दिले आणि म्हणाले, परभणीचे ठाकरेंच्या शिवसेनेचे परभणीचे खासदार स्पष्टपणे म्हणत आहेत की, मराठा समाज्यापेक्षा त्यांना मुस्लिम समाजाने जास्त मते दिली आहेत.
दरम्यान लोकसभा निवडणुकीनंतर बीडचे नवनिर्वाचित खासदार बजरंग सोनावणे यांनीही, त्यांच्या विजयात मुस्लिम समाजाचा थोडा अधिक वाटा आहे असे विधान केले होते.
यावरून देवेंद्र फडवणीस यांनी महाविकास आघाडीच्या खासदारांवर निशाणा साधला.
यावेळी बोलताना देवेंद्र फडणवीस म्हणाले, आपल्या सरकारच्या कालात आपण दोन वेळा मराठा आरक्षण दिले, मराठा समाजासाठी तसेच मराठा समाजाच्या विद्यांर्थ्यांसाठी विविध सुविधा दिल्या तरी याचा फटका आपल्याला बसला. यासाठी भाजप विरोधात पसरवलेला खोटा समज कारणीभूत आहे. पण उलट ज्यांनी 1980 पासून मराठा आरक्षणाला विरोध केला त्यांच्या पारड्यात मते गेली. पण, हा प्रकार या निवडणुकीत चालला असले तरी इथून पुढे चालणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
