बारामती तालुक्यात मागील काही दिवसांपासून गुन्हेगारी वाढत चालली आहे. मागील आठवड्यात गोळीबारीची घटना घडल्यानंतर आता जमिनीच्या वादातून एक हत्या झाल्याची घटना समोर आली आहे.
बारामती तालुक्यातील सांगवी या गावात बुधवारी सकाळी चुलत भावानेच भावाची डोक्यात दगड घालून निर्घृण हत्या केली आहे. आरोपी विशाल फडतरे याने ही हत्या केली आहे. विनोद हिराचंद फडतरे आणि विशाल फडतरे हे चुलत भाऊ होते. यांच्यामध्ये जमिनीचा वाद होता.
पोलिसांनी दिलेल्या माहिती नुसार, आरोपी विशाल फडतरे याने विनोद फडतरे याची हत्या केली. विनोद फडतरे हा आज सकाळी सांगवी पणदरे रस्त्यावरील शेतात दुचाकीवरून गेला होता. या ठिकाणी त्याचा चुलत भाऊ विशाल फडतरे हा देखील होता.
जमिनीच्या वादातून दोघांमध्ये वाद झाला, त्यानंतर विशालने विनोदला दुचाकीवरून खाली पाडले आणि डोक्यात दगड घालून त्याची निर्घृण हत्या केली. घटनेची माहिती मिळताच माळेगाव पोलिसांनी आरोपीला अटक करून त्याच्यावर गुन्हा दाखल केला आहे.
बारामतीत तालुक्यात मागील काही दिवसांपासून चोरी, वाहनचोरी,हत्या, खंडणी अशा घटना वाढताना दिसत आहेत. त्यामुळे विरोधी पक्ष नेते अजित पवार यांच्या मतदारसंघात गुन्हेगारी वाढत असल्यामुळे प्रशासनाचा धाक कमी झाला आहे असा प्रश्न सामान्य नागरिकांना पडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
