बारामती शहरात आज पहाटेपासूनच धुक्याची चादर होती. धुके इतके दाट होते की समोरचे काही दिसत नव्हते. पहाटे मॉर्निंग वॉक साठी बाहेर पडलेल्यांना या धुक्यातून चालण्याचा एक वेगळा आनंद अनुभवता आला.
सकाळी साडेआठ वाजेपर्यंत धुक्याची चादर कायम होती. त्यामुळे सूर्यदर्शन झाले नाही.
बारामतीत गेल्या काही दिवसांपासून थंडीची तीव्रता कमी झाली होती, मात्र आज अचानक थंडीची तीव्रता वाढून बारामतीकरांनी महाबळेश्वरचा फील अनुभवला.
मॉर्निंग वॉक साठी बाहेर पडलेल्या अनेक नागरिकांनी आज भरपूर फोटोसेशन करीत या धुक्याचे फोटो काढत समाज माध्यमांवर अपलोड केले.
सकाळी व रात्री गारठा आणि दुपारी कडक ऊन असा विचित्र वातावरणाचा अनुभव सध्या बारामतीकर घेत आहेत. दोन दिवसांपूर्वी अचानक पडलेला पाऊस, पडणारा गारठा आणि दुपारचे ऊन यामुळे बळीराजा देखील चिंतेत आहे.
आज मात्र बारामतीकरानी धुक्यामुळे महाबळेश्वरचा आनंद बारामतीत बसून घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.