मुंबईः बार्शीतल्या एका हॉटेलमध्ये दारुच्या पैशांवरुन मॅनेजरला मारहाण झाल्याची घटना घडली होती. या घटनेचा सीसीटीव्ही व्हिडीओ सोशल मीडियामध्ये व्हायरल झाला होता. आता पोलिसांनी बार्शीतल्या त्या आरोपींना पकडून भर पावसात त्यांची धिंड काढली आहे. त्याचा व्हिडीओदेखील व्हायरल झाला आहे.
बार्शीतील एका हॉटेलमध्ये दारूचे पैसे न देता हॉटेल मॅनेजरला मारहाण झाल्याची घटना सीसीटीव्हीत कैद झाली होती. मारहाण करणाऱ्या आरोपींवर भारतीय न्याय संहिता २०२३ नुसार कलम १०९(१),११५(२),३२४(४), ३०८(३) आणि ३(५) अंतर्गत गुन्हा दाखल करण्यात आला होता.
या घटनेतील आरोपींना पोलिसांनी ताब्यात घेतल्यानंतर त्यांची भर पावसात धिंड काढण्यात आलेली आहे. आरोपींना कोर्टात दाखल करण्यासाठी नेत असताना बार्शी शहरातील पांडे चौक ते कोर्टापर्यंत त्यांची भर पावसात धिंड काढण्यात आली. याचाही व्हिडीओ व्हायरल झाला आहे.
सोलापूरमधील बार्शी तालुक्यात मंगळवारी घडलेल्या घटनेचा सीसीटीव्ही व्हिडिओ समोर आला असून दारुड्यांनी बिलावरून वाद घालत हॉटेल मालकाला जबर मारहाण केली. या मारहाणीत हॉटेल मॅनेजर महेश अंधारे जखमी झाला आहे.
बिलाच्या वादातून हॉटेल मॅनेजरच्या डोक्यात बाटल्या फोडत जबर मारहाण केली. त्यानंतर इतर दारुडेही मारहाण करायला लागले. सर्वांनी मिळून मॅनेजरला लाथाबुक्यांनी तुडवले. या प्रकरणी पोलिसांनी ४ दारुड्यांवर गुन्हा दाखल केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.