शिवसेना फुटल्यामुळं आमदारांची गळती लागली असून शिंदे गटामध्ये जोरदार इन्कमिंग सुरू आहे.
बुलडाणा : एकनाथ शिंदे (Eknath Shinde) यांच्यासह अनेक आमदारांनी केलेल्या बंडानंतर राज्यातील महाविकास आघाडी सरकार कोसळलं. मात्र, हे सर्व एवढ्यावरच थांबलं नाही, तर शिवसेनेला (Shiv Sena) अजूनही एकावर एक झटके बसताना दिसत आहेत. दसरा मेळाव्यावरून शिवसेना आणि शिंदे गटामध्ये जोरदार आरोप प्रत्यारोपाचा सामना रंगला आहे.
अशातच आता शिवसेनेतील आणखी आमदार आणि खासदार शिंदे गटाच्या संपर्कात असल्याचा दावा बुलडाणा जिल्ह्याचे खासदार प्रतापराव जाधव (Prataprao Jadhav) यांनी केलाय. शिवसेना फुटल्यामुळं आमदारांची गळती लागली असून शिंदे गटामध्ये जोरदार इन्कमिंग सुरूच आहे. शिवसेनेमध्ये उरलेल्या आमदारांपैकी 4 आमदार शिंदे गटाच्या संपर्कात असून 3 खासदार देखील लवकरच शिंदे गटात सामील होणार आहेत. त्यात एक मुंबईचे खासदार असतील, असा दावा जाधव यांनी केला आहे.
तसंच, मिलिंद नार्वेकर (Milind Narvekar) देखील शिंदे गटात येणार असल्याचं बोललं जात असताना त्याला खासदार जाधव यांनी दुजोरा दिला आहे. नार्वेकरच नव्हे, तर 3 खासदार देखील शिंदे गटात सामील होणार असल्याचं जाधव म्हणाले आहेत. जाधव यांचा हा दावा खरा झाल्यास शिवसेनेला दसरा मेळाव्याआधी मोठं खिंडार पडणार आहे.
युवासेना प्रमुख आदित्य ठाकरे यांना वरळीमध्ये मोठा धक्का बसला आहे. वरळीमधील शेकडो शिवसैनिकांनी शिंदे गटात प्रवेश केला आहे. वरळी हा आदित्य ठाकरे यांचा मतदारसंघ आहे. त्यांच्याच मतदारसंघातील शेकडो शिवसैनिकांनी आज शिंदे गटात प्रवेश केल्याने हा आदित्य ठाकरे यांच्यासाठी मोठा धक्का मानला जात आहे. ऐन दसरा मेळाव्याच्या तोडांवर शेकडो शिवसैनिक शिंदे गटात सामील झाले आहेत. यापूर्वी देखील शिवसेनेचे अनेक पदाधिकारी आणि कार्यकर्ते शिंदे गटात सामील झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.