राष्ट्रवादी पक्षाचे जेष्ठ नेते शरद पवारांच्या निवासस्थानावर झालेल्या एसटी कर्मचाऱ्यांच्या आंदोलन सध्या राज्यात चर्चेचा विषय बनला आहे. या प्रकरणी भाजपाच्या अनेक नेत्यांनी या आंदोलनाचा निषेध केला आहे, यादरम्यान राज्याचे राज्यपाल भगतसींग कोश्यारी यांनी या प्रकरणावर प्रतिक्रिया दिली आहे.
पवारांच्या घरावर झालेला हल्ला निंदनीय असल्याची प्रतिक्रिया राज्याचे राज्यपाल भगतसींग कोश्यारी यांनी दिली. पुढे बोलताना अशा प्रकारची घटना कधीही होऊ नये असे राज्यपाल कोश्यारी म्हणाले आहेत. ते म्हणाले की मु्ख्यमंत्री जे हे प्रकरण हाताळत आहेत ते समजदार व्यक्ती आहेत, स्वतः शरद पवार हे देखील प्रतिष्ठित नेता आहेत, त्यामुळे अशा प्रकारच्या घटनेला कोणीही चांगलं म्हणणार नाही अशा प्रकारची घटना होऊ नये असे मला वाटतं असे त्यांनी यावेळी सांगितलं.
एसटी कर्मचाऱ्यांनी केलेल्या आंदोलनानंतर शरद पवार यांनी पहिली प्रतिक्रिया देत म्हटले होते की, राष्ट्रवादी आंदोलक एसटी कर्मचाऱ्यांच्या पाठीशी आहे. तसेच चुकीच्या नेतृत्त्वाखाली पाठीशी नाही, नेता चुकीचा असेल तर, त्याचा परिणाम काय होतो, ते आज दिसंल असेदेखील पवार यांनी गुणरत्ने सदावर्ते यांच्यावर नाव न घेता हल्लाबोल केला होता. तर गृह विभागाने राष्ट्रवादी काँग्रेसच्या नेत्या सुप्रिया सुळे यांच्या सुरक्षेत वाढ केली आहे.
आंदोलनकर्त्यां कर्मचाऱ्यांचे वकील गुणरत्न सदावर्ते यांनी कर्मचाऱ्यांना भडकावल्याचा आरोप ठेवण्यात आला आहे. या प्रकरणी सदावर्तें यांच्यासह १०४ जणांना अटक झाली. त्यानंतर सकाळी सदावर्तेंना मुंबईच्या किला कोर्टात हजर करण्यात आलं.तसेच त्यांना राज्य सरकारच्या वतीेने दोन दिवसांची पोलीस कोठडी सुनावण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
