आगामी लोकसभा निवडणुकीच्या पार्श्वभूमीवर विरोधी पक्षांच्या हालचालींना वेग आला आहे. अशातच बिहारचे मुख्यमंत्री नितीश कुमार महाराष्ट्र दौऱ्यावर येणार आहेत. मिळालेल्या माहितीनुसार, नितीश कुमार हे येत्या चार दिवसांत शिवसेना ठाकरे गट प्रमुख उद्धव ठाकरे यांची भेट घेणार आहेत. त्यानंतर राष्ट्रवादीचे सर्वेसर्वा शरद पवार यांची भेट घेणार आहेत. (Bihar Cm Nitish Kumar Meet Uddhav Thackeray And Sharad Pawar)
भाजपाविरोधात एक मजबूत आघाडी बनवण्याचा विरोधकांचा प्रयत्न सुरु आहे. त्याच पार्श्वभूमीवर नितीश कुमार हे येत्या चार दिवसांत शिवसेना ठाकरे गटाचे प्रमुख उद्धव ठाकरे यांची मातोश्रीवर जाऊन भेट घेणार आहेत.
या बैठकीमध्ये ते उद्धव ठाकरे यांना देशभरातील विरोधी पक्षांची आघाडी उभारण्यासाठीच्या विशेष बैठकीचे निमंत्रण देणार आहेत. मातोश्री'वर महत्त्वाची बैठक पार पडणार आहे. अशी चर्चा राजकीय वर्तुळात रंगली आहे.
या भेटीनंतर नितिश कुमार राष्ट्रवादी काँग्रेसचे अध्यक्ष शरद पवार यांचीही भेट घेणार आहे. त्यामुळे नितीश कुमार यांचा हा महाराष्ट्र दौरा विरोधकांच्या दृष्टीने अत्यंत महत्त्वाचा मानला जात आहे.
दरम्यान आगामी लोकसभा निवडणुकीमध्ये विरोधकांकडून पंतप्रधानपदाचा उमेदवार कोण असेल याबाबत अद्याप कोणतीही माहिती समोर आलेली नाही. मात्र मिळत असलेल्या माहितीप्रमाणे नितीश कुमार यांचं नाव चर्चेत आहे.
आपल्याला पंतप्रधान व्हायच नाही, तर मला विरोधकांची मजबूत मोट तयार करायची असल्याचं यापूर्वीच नितीश कुमार यांनी स्पष्ट केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
