नवी दिल्लीः राज्यातल्या भाजप नेत्यांची एक महत्त्वपूर्ण बैठक दिल्लीमध्ये आयोजित केली होती. रात्री ९ वाजता बैठक संपल्यानंतर उपमुख्यमंत्री देवेंद्र फडणवीस आणि पियूष गोयल यांनी माध्यमांशी संवाद साधला. राज्यामध्ये नेतृत्वबदल होईल का किंवा फडणवीस सरकारच्या बाहेर पडतील का? या प्रश्नावर गोयल यांनी उत्तर दिलं.
भाजपच्या कोअर कमिटीची बैठक संपल्यानंतर उपमुख्यमंत्री देवेंद्र फडणवीस म्हणाले की, महाराष्ट्रामध्ये महायुतीला लोकसभा निवडणुकीत मिळालेल्या यश-अपयशाची चर्चा झाली. महाविकास आघाडीपेक्षा महायुतीला केवळ ०.३ टक्के मतं कमी पडले.
फडणवीस पुढे म्हणाले की, आम्ही कुठे कमी पडलो यावर चर्चा झाली. येणाऱ्या विधानसभा निवडणुकांना समोरं जाताना काय केलं पाहिजे, घटकपक्षांना सोबत घेऊन कशा पद्धतीने पुढे जाता येईल, यावर सविस्तर चर्चा झाली असून अत्यंत ताकदीने आम्ही पुढच्या निवडणुका लढणार आहोत, असं त्यांनी स्पष्ट केलं.
दरम्यान, देवेंद्र फडणवीसांनी निकालानंतर सरकारमधून बाहेर पडण्याची भूमिका घेतली होती. मंत्रिपद सोडून पक्षसंघटनेसाठी काम करण्याची इच्छा असून येणाऱ्या विधानसभा निवडणुका ताकदीने लढता येतील, अशी इच्छा व्यक्त केली होती. परंतु राज्यासह केंद्रातल्या भाजप नेत्यांनी त्यांची ही इच्छा नाकारली.
यासंदर्भात बैठकीनंतर प्रश्न विचारला असता, पियूष गोयल म्हणाले की, राज्याच्या भाजपमध्ये कुठलाही बदल करण्याचा निर्णय घेण्यात आलेला नाही. त्यावरुन आता राज्य भाजपमध्ये जैसे थे अशीच परिस्थिती राहणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
