MVA: 'सुप्रिया ताई मुख्यमंत्री तर आदित्य उपमुख्यमंत्री होणार...', BJP नेत्याचा खळबळजनक दावा

गेल्या काही दिवसांपासून राज्यात मुख्यमंत्री पदाच्या अनेक चर्चा रंगल्या आहेत. अशातच भाजपने मोठा दावा केला आहे. 'चालू पंचवार्षिकमध्ये उद्धव ठाकरे मुख्यमंत्री राहतील. मात्र, २०२४मध्ये सुप्रिया सुळे मुख्यमंत्री, तर आदित्य ठाकरे उपमुख्यमंत्री असा फॉर्म्युला उद्धव ठाकरे आणि शरद पवार यांनी निश्चित केला होता असा दावा भाजपच्या बड्या नेत्याने केला आहे.' (Latest Marathi News)

तर पुढे ते म्हणाले कि, 'जाणीवपूर्वक शिवसेनेचे कमी आमदार निवडून आणायचे, असेही ठरले होते. ही गोष्ट समोर आल्यामुळे शिवसेनेतील आमदारांनी उठाव केला,' असा दावा भाजपचे प्रदेशाध्यक्ष चंद्रशेखर बावनकुळे यांनी केला आहे. 'मोदी ९' अभियानांतर्गत भांडारकर प्राच्यविद्या संस्थेत आयोजित केलेल्या पक्षाच्या 'टिफीन' बैठकीनंतर चंद्रशेखर बावनकुळे यांनी माध्यम प्रतिनिधींशी संवाद साधला त्यावेळी ते बोलत होते.(Latest Marathi News)

चंद्रशेखर बावनकुळे म्हणाले कि, 'मविआचे सरकार आल्यानंतर उद्धव ठाकरे मंत्रालयामध्ये येत नव्हते. त्यांच्या खिशाला कधी पेनही नसायचा. तर, अजित पवार उशिरापर्यंत मंत्रालयात थांबून काम करत असे. तर शिवसेनेच्या आमदारांची कामे होत नव्हती.'(Latest Marathi News)

तर '२०२४मध्ये राष्ट्रवादी काँग्रेसने शंभर आमदार निवडून आणण्याचे उद्दिष्ट ठेवले होते. त्यामुळे आपण निवडून कसे येणार, अशी भिती शिवसेना आमदारांना वाटत असल्यामुळे त्यांनी उद्धव ठाकरेंना सोडलं असल्याचं चंद्रशेखर बावनकुळे यांनी म्हंटलं आहे.(Latest Marathi News)