किरीट सोमय्यांनी राऊतांची झोप उडवली; भाजप नेत्याचे टीकास्त्र

भाजप (BJP) आणि शिवसेना यांच्यात गेल्या काही दिवसांपासून शाब्दिक युद्ध रंगले आहे. नेतेमंडळी एकमेकांवर टीकास्त्र सोडत आहेत. मागील काळात कलेले काही घोटाळे आणि सध्या सुरु असलेला भ्रष्टाचार अशा काही कळीच्या मुद्द्यांवरून एकमेकांवर आरोप प्रत्यारोप सुरु आहेत. हे आरोप करत असताना शाब्दिक चकमक देखील होत आहे. भाजप नेते मोहित कंबोज (Mohit Kamboj) यांनी ट्विट करत व्हिडिओ शेअर केला आहे. यात त्यांनी शिवसेना खासदार संजय राऊत (Sanjay Raut) यांच्यावर निशाणा साधला आहे.

मोहित कंबोज म्हणतात, संजय राऊत किरीट सोमय्या (kirit somaiya) याच्यांवर आधी आरोप करतात. या आरोप संदर्भात माध्यमे जेव्हा संजय राऊत यांना प्रश्न विचारतात तर म्हणतात कोण आहेत किरीट सोमय्या मला माहीत नाही. पुन्हा ते ट्विट करुन सोमय्या यांच्यावर आरोप करतात. त्यांच्या केलेल्या आरोपवर सोमय्या जेव्हा प्रत्युत्तर देतात तेव्हा राऊत अपशब्द वापरतात. यावरून असे लक्षात येते की राऊतांच्या स्वप्नात सोमय्या येत आहेत. ते आता घाबरले आहेत. सोमय्यांनी राऊतांची झोप उडवली आहे अशी टीका मोहित कंबोज यांनी केली आहे.

संजय राऊत यांनी बारामतीची हर्बल वनस्पती पिली आहे. यामुळे त्यांचे मानसिक संतुलन ढळले आहे. ही भिती चांगली आहे. संजय राऊत सोमय्या यांना घाबरले आहेत. अजून पुढे बघा काय- काय होतयं ते असा टोला मोहित कंबोज यांनी लगावला.