ओबीसी राजकीय आरक्षण रद्द झाल्यानंतर भाजपाने आक्रमक भूमिका घेतली आहे. सर्वोच्च न्यायालयाने आरक्षण रद्द केल्यानंतर मध्यप्रदेश सरकारनं हे आरक्षण परत मिळवलं आहे. त्यामुळे आता महाराष्ट्र सरकारनेही त्याच पार्श्वभूमीवर निर्णय घ्यावा, अशी मागणी जोर धरू लागली आहे. यासाठीच महाराष्ट्र भाजपा आक्रमक झाली असून मुंबई कार्यालय ते मंत्रालय असा मोर्चा काढण्यात आला आहे. (BJP Maharashtra Protest about OBC Reservation)
या मोर्चाचं नेतृत्व योगेश टिळेकर करत आहेत. चंद्रकांत पाटील, प्रवीण दरेकर, आशिष शेलार असे अनेक प्रमुख नेते या मोर्चात सहभागी झाले आहेत. या मोर्चामध्ये महाविकास आघाडी सरकारविरोधात जोरदार घोषणाबाजी करण्यात आली. दरम्यान, भाजपा कार्यकर्ते आणि पोलिसांच्यात बाचाबाचीही झाली.
भाजपाच्या काही कार्यकर्त्यांना ताब्यात घेण्याची प्रक्रिया पोलिसांनी सुरू केली आहे. प्रवीण दरेकर, सुधीर मुनगंटीवार, गोपीचंद पडळकर यांना पोलिसांनी ताब्यात घेतलं आहे. तर काही महिला कार्यकर्ते आणि इतर आंदोलकांनाही पोलिसांनी ताब्यात घेतलं आहे. भाजपा कार्यालयासमोर या महिला कार्यकर्त्यांनी ठिय्या मांडलेला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
