राज्यातील सर्व राजकीय पक्षांकडून आगामी निवडणूकांसाठी रणनिती आखली जात आहे. यादरम्यान राष्ट्रवादी काँग्रेसचा अजित पवार गट शिंदे-फडणवीस सरकारमध्ये सहभागी झाल्याने विधीमंडळ समित्यांसह वेगवेगळ्या महामंडळ समित्यांमधील शिवसेना आणि भाजपचा वाटा कमी होणार आहे. यादरम्यान आता महामंडळाच्या वाटपासाठी फॉर्म्युला ठरल्याची माहिती सुत्रांकडून देण्यात आली आहे.
महामंडळे आणि विविध शासकीय समित्यांवरील नियुक्यांमध्ये ६०- २० -२० चा फॉर्म्युला असावा अशी मागणी भाजपने केली होती. मात्र तीन पक्षांमध्ये भाजपला ५० शिवसेनेला २५ टक्के आणि राष्ट्रवादीला २५ टक्के असे वाटप निश्चित झाल्याची माहिती समोर आली आहे. भाजप ५० शिवसेना २५ आणि राष्ट्रवादी २५ असा आग्रह शिवसेना आणि राष्ट्रवादीने धरला आणि या मागणीला आता मान्यता मिळणार आहे अशी देखील सूत्रांची माहिती
विशेष अधिकार समिती, पंचायत राज समिती, रोजगार हमी योजना समिती,आश्वासन समिती, यासह एकूण २५ समित्या विधानमंडळातर्गंत कार्यरत असतात. या समित्यांवरील आमदारांच्या नावाची यादी लवकरच मुख्यमंत्री एकनाथ शिंदे उपमुख्यमंत्री देवेंद्र फडणवीस आणि उपमुख्यमंत्री अजित पवार हे सादर करणार आहेत. साम टीव्हीने सूत्रांच्या हवाल्याने याबद्दलचे वृत्त दिले आहे.
येणाऱ्या काळात आणखी काही महामंडळाची स्थापना करण्याचा राज्य सरकारचा मानस आहे. त्यामुळे तीनही पक्षांच्या नेत्यांना महामंडळावरती संधी मिळण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
