![Lok Sabha Exit Poll 2024](http://media.assettype.com/esakal%2F2024-06%2F522822ad-838f-4990-b7ca-d38538e14ef2%2FEsakal_Rushikesh__63_.jpg?w=480&auto=format%2Ccompress&fit=max)
Mumbai News : लोकसभा मतदानाचा शेवटचा टप्पा पार पडल्यानंतर झालेल्या एक्झिट पोलमध्ये भाजप तिसऱ्यांदा सत्तेवर येणार असल्याचे संकेत देत आहे. मात्र, ‘इंडिया’ आघाडी विशेषतः काँग्रेसच्या मनोधैर्यावर याचा फारसा परिणाम पडला नसल्याचे चित्र आहे.
यावेळेचा अंडरकरंट बघता काँग्रेस जागांची शंभरी पार करणार असून ‘इंडिया’ आघाडी सत्तास्थापन करेल, असा ठाम विश्वास काँग्रेस नेत्यांनी ‘सकाळ’शी बोलताना व्यक्त केला. तसेच भाजप हा सर्वात मोठा पक्ष असेल याबद्दल शंका नाही. मात्र, बहुमताच्या आकड्यापासून भाजप दूर असेल, यावरही काँग्रेसचे नेते ठाम आहेत.
निवडणुकीच्या निकालांवरील चर्चेवर बहिष्कार टाकण्याचा निर्णय घेतलेल्या काँग्रेसने अगदी शेवटच्यावेळी आपले प्रवक्ते पाठवले. एक्झिट पोलमध्ये अशाच आकडेवारीची कल्पना होती, असेही नेत्यांनी सांगितले.
मतदानानंतरचे सर्वेक्षण हे शास्त्रशुद्ध पद्धतीने करून तो डेटा मांडला असता तर त्याची विश्वसनीयता अधिक असती. मात्र, या संस्थांनी सॅम्पल किती घेतले, त्यांची सर्वेक्षणाची पद्धत पारदर्शकरित्या प्रेक्षकांपुढे ठेवलेली नाही. त्यामुळे एक्झिट पोल मान्य करणे शक्य नाही.
- सुमीत म्हसकर, राजकीय विश्लेषक
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.