मुंबईः मुंबई व पुण्यात बॉम्बस्फोट करण्यात येणार असल्याच्या धमकीचा फोन पोलिसांना आलेला आहे. या फोनमुळे पुन्हा एकदा खळबळ उडाली आहे.
मुंबई पोलिस सूत्रांनी सांगितले की, कॉलरने काल सकाळी 10 वाजता पोलिस कंट्रोलला कॉल केला आणि दावा केला की, 24 जून रोजी संध्याकाळी 6:30 वाजता मुंबईतील अंधेरी आणि कुर्ला भागात बॉम्बस्फोट होणार आहेत.
एवढेच नाही तर कॉलरने पुढे दावा केला की, आपल्याला दोन लाख रुपयांची गरज आहे आणि ही रक्कम मिळाल्यानंतर तो बॉम्बस्फोट थांबवू शकतो. तसेच पुण्यातही बॉम्बस्फोट होणार आहेत आणि तो स्वत: हा स्फोट घडवून आणतोय, त्यासाठी त्याला दोन कोटी रुपये मिळाले आहेत, असं त्यांना सांगितलं.
दोन लाख रुपये मिळाल्यास तो आपल्या माणसांसोबत मलेशियाला रवाना होईल, असा दावा कॉलरने केला आहे. पोलिस तपासादरम्यान कॉलरने हा फोन उत्तर प्रदेशातील जौनपूर येथून केल्याचे तपासात समोर आले आहे.
अंबोली पोलिसांनी या संदर्भात आयपीसीच्या कलम ५०५(१)(बी), ५०५(२) आणि १८५ अन्वये गुन्हा दाखल केला असून ते या प्रकरणाचा तपास करत आहेत. या कॉलमुळे पोलिस प्रशासन खडबडून जागं झालेलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
