मुंबई उच्च न्यायालयाने आरबीआयला (RBI) १.६ लाख रुपयांच्या नोटा बदलून देण्याचे आदेश दिले. या प्रकरणी किशोर सोहोनी (Kishor Sohoni) या याचिका करणाऱ्या डोंबिवलीच्या रहिवाशाला दिलासा मिळाला.
किशोर सोहोनी यांनी फसवणुकीच्या एका जुन्या प्रकरणात तक्रार केली होती. या प्रकरणात मार्च २०१६ मध्ये कल्याण न्यायालयाच्या दंडाधिकाऱ्यांनी आरोपीला स्थानिक पोलीस स्टेशन मध्ये १.६ लाख रुपये जमा करण्याचे निर्देश दिले होते. नोव्हेंबर २०१६ मध्ये केंद्र सरकारने निश्चलनीकरणाचा निर्णय जाहीर केला. या निर्णयाच्या पार्श्वभूमीवर जुन्या नोटा बदलून घेण्यासाठी ३१ डिसेंबर २०१६ च्या अंतिम मुदतीपूर्वी पैसे जमा करण्याची परवानगी देण्यासाठी सोहोनी यांनी दंडाधिकारीयांना विनंती करूनही त्यांना तसे करण्याची परवानगी देण्यात आली नाही.
त्यानंतर मार्च २०२०मध्ये करोनाच्या पार्श्वभूमीवर टाळेबंदी लागू करण्यात आली. ऑक्टोबर २०२० मध्ये पैसे घेण्यासाठी सोहोनी हे पोलीस ठाण्यात गेले त्यावेळी बंद झालेल्या एक हजार रुपयांच्या नोटा देण्यात आल्या. नोटा बदलून देण्यासाठी त्यांनी रिझव्र्ह बँकेकडे वारंवार पत्रव्यवहार केला. मात्र काहीच प्रतिसाद न मिळाल्याने उच्च न्यायालयात याचिका केल्याची माहिती किशोर सोहोनी यांनी दिली. मात्र आता त्यांना दिलासा मिळाला असुन मुंबई उच्च न्यायालयाने आरबीआयला १.६ लाख रुपयांच्या नोटा बदलून देण्याचे आदेश दिले
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
