मुंबई : ग्रामीण भागाची लालपरी असलेल्या एसटी दिवाळीत सुसाट धावल्याने एसटी महामंडळाच्या तिजोरीत मोठी भर पडली आहे. गेल्या पंधरा दिवसात ३२८ कोटी ४० लाख रुपयांचा महसूल एसटी महामंडळाला मिळाला आहे.
तर २१ कोटी ४४ लाख रुपये उत्पन्न मिळवून पुणे विभाग पहिल्या क्रमांकावर आहे. तर एसटी महामंडळाने भाऊबीजेच्या दिवशी ३१ कोटी ६० लाखांची विक्रमी कमाई केली आहे.
दिवाळीची संभाव्य गर्दी लक्षात घेऊन एसटी महामंडळ दरवर्षी नियमित एसटी बसेसशिवाय अतिरिक्त एसटी बसेस चालविण्याचे नियोजन केले होते. यंदाही एसटी महामंडळाकडून राज्यभरात अतिरिक्त बस गाड्या चालविण्यात आल्याने एसटी महामंडळाच्या तिजोरीत मोठी भर पडली आहे.
दिवाळीच्या हंगाम्यात म्हणजे गेल्या १५ दिवसात एसटी महामंडळाने ३२८ कोटी ४० लाख रुपयांचा महसूल मिळाला आहे. या कालावधीत पुणे विभागाने सर्वाधिक प्रवासी वाहतूक केली आहे. २१ कोटी ४४ लाख रुपये उत्पन्न घेत पुणे विभाग पहिल्या क्रमांकावर आहे. तर जळगाव विभागाने १७ कोटी ४१ लाख रुपयांचा महसुल गोळा केला आहे.
शुक्रवारी, १२ नोव्हेंबर रोजी धनत्रयोदशीच्या दिवशी एसटी महामंडळाला तब्बल २७ कोटी ६२१ लाखांचा महसूल मिळाला होता. तर बुधवारी भाऊबीज मोठ्या आनंदात, उत्साहात साजरी करण्यात आली. या दिवशी महामंडळाने राज्यभरात तब्बल १४ हजार ६७७ एसटी चालविल्या. त्यातून महामंडळाला तब्बल ३१ कोटी ६० लाखांचे विक्रमी उत्पन्न महामंडळाला मिळाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
