मुंबई - आज अखेर मुख्यमंत्री एकनाथ शिंदे गटाला धनुष्यबाण चिन्हासह पक्षाचं नाव मिळालं आहे. निवडणूक आयोगाने हा निर्णय दिला आहे. त्यामुळे एकनाथ शिंदे गटाला मोठा दिलासा मिळाला आहे. या निर्णयानंतर राजकीय वर्तुळात एकच खळबळ उडाली असून सर्वच स्तरातून प्रतिक्रिया येत आहे. यावर आता भाजपने राष्ट्रवादी काँग्रेस आणि ठाकरे गटाला डिवचलं आहे.
भाजपच्या महाराष्ट्र भाजपच्या ट्विटवर हँडलवरून राष्ट्रवादी काँग्रेसचे प्रमुख शरद पवार आणि खासदार संजय राऊत यांचा फोटो शेअर केला आहे. तसेच फोटोला काम फत्ते असं कॅप्शन देण्यात आलं आहे. एकंदरीतच भाजपने राष्ट्रवादी आणि ठाकरे गटाला डिवचलं आहे.
याआधी देवेंद्र फडणवीस यांनी शिंदे गटाला शिवसेना पक्ष आणि धनुष्यबाण मिळाल्यावर प्रतिक्रिया दिली होती. फडणवीस म्हणाले होते की, हिंदूहृदय सम्राट बाळासाहेब ठाकरेंच्या विचारांवर जो पक्ष होता त्यांच्याच पक्षाला पुन्हा नाव आणि चिन्ह मिळाले आहे. त्यासाठी शिंदे यांचे अभिनंदन. आम्ही पहिल्यापासून सांगत होतो, कुणीही खासगी मालमत्ता म्हणून शिवसेनेवर आधिकार सांगू शकत नाही. शिंदेना देखील निकालाचा आत्मविश्वास होता,असंही फडणवीस यांनी म्हटलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
