Marathi Classical Language: मराठी भाषेला अभिजात दर्जा, केंद्र सरकारचा मोठा निर्णय

मराठी भाषेला अभिजात दर्जा मिळाला आहे. केंद्र सरकारने मोठा निर्णय घेतला आहे. केंद्रीय मंत्रिमंडळाने आणखी पाच भाषांना “अभिजात” म्हणून मान्यता देण्यास मान्यता दिली आहे. मराठी ही भारताच्या २२ अधिकृत भाषांपैकी एक आहे. मराठी महाराष्ट्र राज्याची अधिकृत तर गोवा राज्याची सहअधिकृत भाषा आहे. २०११ च्या जनगणनेनुसार, भारतात मराठी भाषकांची एकूण लोकसंख्या सुमारे १४ कोटी आहे. मराठी मातृभाषा असणाऱ्या लोकांच्या संख्येनुसार मराठी ही जगातील दहावी व भारतातील तिसरी भाषा आहे.

मराठीसह अन्य पाच भाषांना अभिजात दर्जा दिला आहे. यावर बोलताना केंद्रीय मंत्री अश्विनी वैष्णव म्हणाले की, आतापर्यंत आपल्याकडे तामिळ, संस्कृत, तेलगू, कन्नड, मल्याळम आणि ओडिया या अधिसूचित अभिजात भाषा होत्या. अभिजात भाषांचे संवर्धन आणि संवर्धन करण्यासाठी आणि समृद्ध वारसा जपण्यासाठी सरकार अनेक पावले उचलत आहे. पंतप्रधान मोदींनी नेहमीच भारतीय भाषांवर लक्ष केंद्रित केले आहे. आज मराठी, पाली, प्राकृत, आसामी आणि बंगाली या ५ भाषांना अभिजात भाषा म्हणून मान्यता देण्यात आली आहे.

यावर देवेंद्र फडणवीस म्हणाले की, ऐतिहासिक आणि सोन्याचा दिवस. अत्यंत अभिमानाचा क्षण ! लाभले आम्हास भाग्य बोलतो मराठी जाहलो खरेच धन्य ऐकतो मराठी धर्म, पंथ, जात एक जाणतो मराठी एवढ्या जगात माय मानतो मराठी, अशी प्रतिक्रिया त्यांनी दिली आहे. दरम्यान आता एकूण अभिजात भारतीय भाषांची संख्या ११ व्या क्रमांकावर पोहोचली आहे आणि तमिळ, संस्कृत, तेलगू, कन्नड, मल्याळम आणि ओरिया या इतर अभिजात भाषांचा टॅग आधीच मिळाला होता.