नागपूरः राष्ट्रवादी काँग्रेसच्या ओबीसी सेलचे दोन दिवसीय शिबीर नागपूर येथे होत आहे. या शिबिरामध्ये छगन भुजबळ यांनी केलेलं विधान चर्चेचा विषय ठरत आहे. यावेळी भुजबळांनी ओबीसी समाजाच्या प्रश्नाविषयी आवाज उठवला.
छगन भुजबळ म्हणाले की, ओबीसी समाजासाठी काम उभं करण्याची गरज आहे. या समाजासाठीच मी शिवसेना सोडली होती. कारण शरद पवार हे ओबीसींसाठी काम करत होते. ओबीसींसाठी देवेंद्र फडणवीस यांनी कायदा बनवला परंतु तो टिकला नाही. एसीमध्ये बसून त्यांच्या लोकांनी इम्पेरिकल डेटा बनवला. त्यामुळे उपयोग झाला नाही.
ओबीसी समाजाची जनगणाना झाल्याशिवाय प्रश्न सुटणार नाहीत. एससी, एसटी समाजाला निधी मिळतो, तसंच ओबीसींनाही मिळाला पाहिजे, अशी आमची मागणी असल्याचं भुजबळ म्हणाले.
भाकरी फिरवण्याच्या मुद्द्यावर बोलतांना छगन भुजबळ म्हणाले की, ईश्वर बालबुद्धे यांनी ओबीसी सेलमध्ये चांगलं काम केलं आहे. परंतु त्यांनी अध्यक्षपदावर दुसऱ्याला नेमले. भाकरी फिरवण्यासाठी त्यांनी असं केलं परंतु भाकरी कच्ची राहणार नाही, हेही बघितलं पाहिजे. असं म्हणून भुजबळांनी चर्चा घडवून आणली आहे.
शरद पवार यांनी ओबीसी समाजासाठी मोठं काम उभं केलं. बाकीचे पक्ष केवळ नावाला आहेत. पवारांनी मात्र फुले, शाहू, आंबेडकरांचा वारसा पुढे नेल्याचं भुजबळ म्हणाले. मराठा आणि दलित समाजातील मुलांना वसतिगृह उपलब्ध नसेल तर ७००० रुपये दिले जातात. तशाच पद्धतीने ओबीसींना द्या. शिवाय ओबीसींसाठी वसतिगृह उभारण्याची मागणी भुजबळ यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
