मुंबईः समृद्धी महामार्गाच्या पाहणीसाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस गेले होते. त्या दिवशी त्यांनी एकाच गाडीतून प्रवास केला. मात्र यावेळी एकनाथ शिंदे सुरुवातीला खरच घाबरले होते.
मुख्यमंत्री शिंदे म्हणाले की, यापूर्वी जेव्हा मी समृद्धी महामार्गाच्या पाहणीसाठी गेलो होतो तेव्हा मीच गाडी चालवली. मात्र यावेळी देवेंद्रजींनी गाडी चालवण्याची इच्छा व्यक्त केली. त्यांची ड्रायव्हिंग मला माहिती नव्हती म्हणून सुरुवातीला जरा धाकधूक झाली.
यासंदर्भात खुद्द पंतप्रधान नरेंद्र मोदींनीही चौकशी केल्याचं मुख्यमंत्र्यांनी सांगितलं. 'कैसा रहा सफर' अशी विचारणा मोदींनी केल्याचं त्यांनी सांगितलं. 'एबीपी माझा'च्या कार्यक्रमात मुख्यमंत्री बोलत होते.
नागपूर येथून समृद्धी महामार्गास प्रारंभ होत असून तेथून मुख्यमंत्री व उपमुख्यमंत्री यांनी 4 डिसेंबर रोजी पाहणी दौरा केला. वर्धा जिल्ह्यात समृद्धीचा 55 किलोमीटरचा मार्ग असून या मार्गाची पाहणी करण्यात आली. यावेळी एकाच वाहनात मुख्यमंत्री आणी उपमुख्यमंत्री होते. दरम्यान, उपमुख्यमंत्री देवेंद्र फडणवीस हे स्वतः वाहन चालवित मुख्यमंत्री शिंदे यांचे सारथी बनले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.