मुंबई - मागील दोन दिवसांपासून मुख्यमंत्री एकनाथ शिंदे सुट्टीवर असल्याचं सांगण्यात येत आहे. तर दुसरीकडे विरोधकांकडून वेगवेगळे दावे करण्यात येत आहे. मात्र शिंदे सरकारमधील मंत्री दादा भुसे यांनी मुख्यमंत्री आराम कऱण्यासाठी त्यांच्या शेतात गेले असल्याचं म्हटलं.
एकनाथ शिंदे नाराज असल्याच्या चर्चांवर भुसे म्हणाले की, मुख्यमंत्री नाराज नाहीत. ते 24 तासापैकी 18 ते 20 तास काम करतात. किमान 5 ते 6 तास शरीराला झोपेची गरज असते. त्यामुळे आम्हीच खासगीत त्यांना आराम करण्यासाठी सांगत असतो. सकाळी 4 ते 5 पर्यंत ते काम करत असतात. आता 2 दिवस ते आराम करण्यासाठी त्यांच्या शेतात गेले आहेत. मात्र तिथून देखील ते काम करत होते, असंही दादा भुसे यांनी म्हटलं.
दरम्यान मुख्यमंत्र्यांच्या संपूर्ण कुटुंबाला पंतप्रधान भेटले आहे. खुद्द मोदींनी त्यांना शाबासकीची थाप दिली. अमित शहा यांच्या घरी देखील मुख्यमंत्र्यांचे स्वागत झाले आहे. मात्र सध्या राज्यातील जनतेची दिशाभूल करण्याचे काम सुरू आहे. त्याचवेळी विरोधकांनी टीका करताना मर्यादा सोडू नये, नाही तर आम्ही देखील सोडू असं म्हणत दादा भुसे आक्रमक झाले आहेत.
मी नाराज नाही, आज देखील सकाळी मी बैठक घेतली आहे. ध्वजारोहण संदर्भात निर्णय मुख्यमंत्री घेतात. उद्या मला मुख्यमंत्र्यांनी सांगितले तर मी काश्मीर ला जाऊन देखील ध्वजारोहण करेन, असंही दादा भुसे यांनी म्हटलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
