मुंबई : पंतप्रधान नरेंद्र मोदी आणि मुख्यमंत्री उद्धव ठाकरे एकाच व्यासपीठावर येण्याची शक्यता कमी आहे. याबाबतचे वृत्त साम वृत्तवाहिनीने दिलेले आहे. आज रविवारी (ता.२४) लता मंगेशकर पुरस्कार वितरण समारंभ संध्याकाळी होत आहे. हा पुरस्कार पंतप्रधान मोदींना जाहीर झाला आहे. तो स्वीकारण्यासाठी मोदी आज मुंबईत येत आहेत. या समारंभाला मुख्यमंत्री उद्धव ठाकरे उपस्थित राहणार नसल्याची सांगण्यात येत आहे. राज्यातील भाजप- शिवसेनेतील वाढता वाद पाहता मुख्यमंत्री यांनी कार्यक्रम रद्द केल्याची माहिती आहे. (Chief Minister Uddhav Thackeray Could Not Attend PM Modi Program)
पहिला लता मंगेशकर पुरस्कार (Lata Mangeshkar Award) पंतप्रधान नरेंद्र मोदी (Narendra Modi) यांना जाहीर झाला आहे. आज पुरस्कार वितरण समारंभ मुंबईतील माटुंगा येथील षण्मुखानंद सभागृहात सायंकाळी पाच वाजता होणार आहे. यासाठी मोदी मुंबईत येत आहेत. दुसरीकडे पुरस्कार वितरण समारंभाच्या पत्रिकेत मुख्यमंत्री उद्धव ठाकरे (Uddhav Thackeray) यांचे नाव नसल्याचे कळते. त्यामुळे ठाकरे समारंभाला उपस्थित राहणार नाहीत.
मंगेशकर कुटुंबीयांमार्फत प्रत्येक वर्षी दीनानाथ मंगेशकर यांच्या स्मृतिप्रीत्यर्थ विविध क्षेत्रांतील मान्यवरांना कृतज्ञतापूर्वक पुरस्कार दिला जातो. लता मंगेशकर यांच्या निधनानंतर आता त्यांच्या स्मरणार्थ हा पुरस्कार दिला जाणार आहे. मोदी यांनी ही आपण हा पहिलाच आणि शेवटचा पुरस्कार स्वीकारत असल्याचे सांगितले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
