'देशपातळीवर महाराष्ट्राची मान खाली गेलीये त्याच दु:ख नाही'

सध्या पंतप्रधानांच्या लोकसभेतील भाषणामुळे राजकीय वातावरण ढवळून निघाले आहे. सत्ताधारी आणि विरोधक यांच्यात आपोरप्रत्यारोप सुरु आहेत. दरम्यान, पंतप्रधान नरेंद्र मोदी (Pm Modi) यांनी लोकसभेत राष्ट्रपतींच्या अभिभाषणावरील चर्चेला उत्तर देताना काँग्रेसवर (Congress) सडकून टीका केली. महाराष्ट्रातील (Maharashtra) मजूर बाकीच्या राज्यांमध्ये गेल्याने कोरोना वाढला असं ते म्हणाले होते. त्यांच्या या प्रतिक्रियेवर खासदार सुप्रिया सुळे यांनीही पलटवार करत प्रतित्युर दिले आहे. महाराष्ट्राचा अपमान झाल्याची टीका त्यांनी केली होती.

दरम्याना, आता भाजपाच्या चित्रा वाघ यांनी नाव न घेता सुप्रिया सुळे आणि संजय राऊत यांच्यावर टीका केली आहे. त्यांनी ट्वीट करत महाविकास आघाडीवर निशाणा साधला आहे. त्या म्हणतात, देशाचे पंतप्रधान नरेंद्र मोदी यांनी मांडलेलं मत ही कॉंग्रेसच्या भुमिकेविषयी होती. त्यांनी मांडलेलं मत आणि महाराष्ट्राच्या अपमानाचा संबंध काय? अनिल देशमुख वसुलीकांड, अँटीलीया बॉम्ब प्रकरण, महिलांवर होणारे बलात्कार यात महाराष्ट्राची मान देशपातळीवर खाली गेली याचं दु:ख झालेलं दिसलं नाही, असा ओला चिमटा त्यांनी काढला आहे.

सुप्रिया सुळे यांच्या या प्रतिक्रियेवर भाजपाच्या आशिष शेलार यांनीही टोला लगवाला आहे. खासदार सुप्रिया सुळे यांचा अभ्यास कच्चा असून त्यांच्या डोक्यात एक राजकारण आहे. राज्यातले हे निर्दयी सरकार असल्याचा हल्लाबोल शेलारांनी केला आहे.