ठाकरे गटाच्या उपनेत्या सुषमा अंधारे यांच्या विनयभंग प्रकरणी शिवसेनेचे नेते आणि मंत्री संजय शिरसाट यांना क्लीनचिट मिळाली आहे. पोलिसांनी संजय शिरसाट यांना क्लीनचिट देण्याचा निर्णय घेतला आहे. संजय शिरसाट यांनी केलेल्या वक्तव्यावेळी अंधारे तिथे उपस्थित नव्हत्या. त्यामुळे समोर व्यक्ति नसल्यामुळे विनयभंग होत नाही असा निष्कर्ष देण्यात आला आहे. यामुळे ठाकरे गटाच्या उपनेत्या सुषमा अंधारे यांनी दिलेल्या विनयभांगाच्या प्रकरणात संजय शिरसाट यांना पोलिसांकडून क्लीनचिट देण्यात आली आहे.(Latest Marathi News)
काय आहे प्रकरण?
छत्रपती संभाजीनगर येथे झालेल्या एका कार्यक्रमात बोलताना आमदार संजय शिरसाट यांनी सुषमा अंधारे यांच्याबद्दल एक वक्तव्य केलं होतं. या वक्तव्याच्या विरोधात सुषमा अंधारे यांनी परळी येथे पोलिस ठाण्यात तक्रार दाखल केली होती. त्यानंतर शिरसाट यांनी केलेलं वक्तव्य हे संभाजी नगर येथील असल्याचं सांगत हे प्रकरण संभाजी नगर पोलिसांकडे पाठवलं होतं. त्यानंतर पोलिसांनी याची चौकशी केली होती.(Latest Marathi News)
सुषमा अंधारे यांनी 3 आक्षेप घेतले होते. विनयभंग, बदनामी आणि अब्रू नुकसानीचा दावा त्यांनी केला होता. तर या प्रकरणात पोलिसांनी तपास केला. त्यानंतर पोलिसांनी सांगितलं की अंधारे यांनी वेगवेगळ्या प्रकरणात तक्रार दाखल केले होते. विनयभंग प्रकरणात संजय शिरसाट यांना क्लीनचिट देण्यात आली आहे. या संबधीचे पत्र सुषमा अंधारे यांना चार दिवसांपूर्वी पत्र पाठवण्यात आले आहे.(Latest Marathi News)
संजय शिरसाट यांची प्रतिक्रिया
यावर संजय शिरसाट म्हणाले की, मी वारंवार सांगितलं होतं, मी काहीही चुकीच वक्तव्य केलं नव्हतं. एखाद्याला बदनाम करण्याचा हा प्रकार आहे आता तरी त्यांना समजावं असं संजय शिरसाट म्हणाले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
