राज्यात गेल्या काही दिवसांपासून सत्ताधारी आणि विरोधीपक्षांत मोठ्या प्रमाणात वादंग सुरू आहे. भाजप (BJP) नेत्यांकडून वारंवार ईडी, सीबीआयच्या (ED, CBI) धमक्या येत असल्याचा आरोप सत्ताधारी पक्षातील नेत्यांनी केला आहे. तर भाजपकडून देखील सरकारवर भ्रष्टाचाराचे आरोप होत आहेत. आरोप प्रत्यारोपांची ही मालिका सुरू असतानाच तेलंगणाचे मुख्यमंत्री चंद्रशेखर राव (K. Chandrashekhar Roa) यांनी मुंबईत येऊन मुख्यमंत्री उद्धव ठाकरे (CM Uddhav Thackeray) आणि शरद पवार यांची भेट घेतली. फक्त राज्यातच नव्हे तर देशात या विषयाची चर्चा झाली. सध्या देशात सुरू असलेल्या राजकीय परिस्थितीमध्ये परिवर्तनाची आवश्यकता असून, त्यासाठी बिगर भाजपशासित राज्यांनी एकत्र येणं गरजेचं असल्याचा विचार राव यांनी मांडला. याच विषयावर शिवसेनेचं मुखपत्र सामनामध्ये (Saamana) भाष्य करण्यात आलं आहे.
सामनामध्ये या विषयावरून केंद्रावर पुन्हा एकदा टीका करण्यात आली असून, 2024 नंतर देशात बदल होईल असं म्हटलं आहे. "ज्या राज्यांनी भाजपास मतदान केले नाही त्यांचा सूड घेणे म्हणजे हिंदुत्व नव्हे! पण बदला, सूड घेणे म्हणजे हिंदुत्व, रोज निवडणूक प्रचारात जोरात खोटे बोलणे म्हणजे हिंदुत्व असा प्रकार देशात सुरू झाला आहे. समाजवादी पार्टीची निशाणी सायकल. अतिरेकी सायकलवर बॉम्ब ठेवून स्फोट घडवतात म्हणून अखिलेश यादव यांना मत देऊ नका, असले पांचट विनोद करणे म्हणजे हिंदुत्व, असा भ्रम निर्माण करणाऱ्यांना 2024 सालात देशातील सत्तेवरून दूर करायलाच हवे. दिल्लीचा रस्ता उत्तर प्रदेशातून जातो, असे म्हटले जाते. मात्र 2024 साठीचा दिल्लीचा रस्ता महाराष्ट्रातून जाईल, हे नक्की. ऐक्याची वज्रमूठ निर्माण झाली तर काहीच अशक्य नाही. तेलंगणाचे के. चंद्रशेखर राव यांच्या मुंबई भेटीचा हाच अर्थ आहे." असं सामनामध्ये म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
