मुंबईः कल्याणमध्ये भाजप आणि शिवसेनेमध्ये वाद पेटला होता. त्यानंतर खासदार श्रीकांत शिंदे यांनी थेट राजीनामा देण्याची भाषा केली होती. त्यामुळे आता दोन्ही पक्षांमध्ये फूट पडतेय की काय? अशी परिस्थिती निर्माण झाली होती. त्यावर आज मुख्यमंत्री एकनाथ शिंदे यांनी भाष्य केलं आहे.
कल्याणमध्ये नेमकं काय झालं?
कल्याण लोकसभा मतदारसंघाचा उमेदवार भाजप ठरवणार असल्याचं विधान एका भाजपच्या महिलेनं केलं होतं. यावर बोलताना श्रीकांत शिंदे म्हणाले, मी सोशल मीडियावर स्टेटमेंट्स ऐकली आहेत. मला वाटतं वरिष्ठ पातळीवर उमेदवार कोण असेल हे ठरेल. जो योग्य असेल त्याला उमेदवारी देतील.
'मला कुठलाही स्वार्थ नाही, मला कोणी सांगितलं की कल्याण लोकसभा मतदारसंघाचा राजीनामा द्या तर मी देईन आणि पक्षाचं आणि युतीचं काम करायला मी तयार आहे. दुसरा कोणताही उमेदवार इथं असेल तर त्याला निवडून देण्यासाठी मी काम करेन. आमचा उद्देश एकच आहे २०२४ मध्ये पुन्हा एकदा मोदी देशाचे पंतप्रधान झाले पाहिजेत, यात कुठलाही स्वार्थ नाही' असं श्रीकांत शिंदे यांनी म्हटलं होतं.
मुख्यमंत्री शिंदेंचं स्पष्टीकरण
भाजप-शिवसेना वादावर बोलतांना मुख्यमंत्री एकनाथ शिंदे म्हणाले की, सेना-भाजपमधला छोटा वाद मिटला आहे. भाजपचे प्रदेशाध्यक्ष चंद्रशेखर बावनकुळे यांनी याबाबत स्पष्टीकरण दिलं आहे. त्यामुळे जास्त बोलण्याची गरज नाही.
कल्याणमध्ये भाजप पदाधिकारी नंदू जोशींवर गुन्हा दाखल केल्याने वाद उफाळला होता. त्यावर एकनाथ शिंदेंनी पडदा टाकला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
