विरोधीपक्षनेते अजित पवार यांच्या छत्रपती संभाजी महाराज हे धर्मवीर नसून स्वराज्यरक्षक होते या विधानावरून नवा वाद पेटलाआहे. राष्ट्रवादीचे नेते अजित पवार यांनी छत्रपती संभाजी महाराजांबद्दल केलेल्या या वक्तव्यावर मुख्यमंत्री एकनाथ शिंदे यांनी प्रतिक्रिया दिली आहे. अजित पवारांसारख्या व्यक्तीने असं बोलणं योग्य नसल्याचे एकनाथ शिंदे म्हणाले आहेत.
अजित पवार यांच्या विधानावर बोलताना मुख्यमंत्री एकनाथ शिंदे म्हणाले की, "ही राजकारण करण्याची वेळ नाही. बोलताना सगळ्यानी माहिती घेऊन तारतम्य बाळगून बोललं पाहिजे एवढीच माझी अपेक्षा आहे. छत्रपती संभाजी महाराज यांनी या देशासाठी, धर्म आणि स्वराज्यासाठी बलिदान दिलं आहे. जेव्हा औरंगजेब त्यांचे हाल करत होता, कातडी सोलली, डोळे काढले शरीराचे तुकडे केल तरी देखील धर्म आणि स्वराज्याशी तडजोड केली नाही. धर्मवीर ही पदवी आम्ही-तुम्ही दिलेली नाही." असे शिंदे म्हणाले.
मुख्यमंत्री शिंदे म्हणाले की, "अनेक वर्षापासून त्यांना धर्मवीर म्हणातात. त्यामुळे अजितदादांसारख्या माणसाणे असं बोलण योग्य नाही, त्यांनी माहिती घेऊन बोलायला पाहिजे." असे मुख्यमंत्री शिंदे म्हणाले. "त्यांनी महापुरूषांचा अपमान करणाऱ्यांवर मोठी टीका केली होती. आता आम्ही त्यांचं काय करायचं. हे वक्तव्य निंदाजणक आहे" असं मुख्यमंत्री एकनाथ शिंदे यावेळी म्हणाले.
अजित पवार काय म्हणाले होते?
आपण महाराष्ट्रामध्ये राहत असून इथे अंधश्रद्धेला खतपाणी घातलं जात नाही.'बाल शौर्य पुरस्कार' हा किमान स्वराज्यरक्षक छत्रपती संभाजी महाराज यांच्या जयंतीदिनी द्यावा.छत्रपती संभाजी महाराज हे स्वराज्यरक्षक होते,धर्मवीर नव्हते. त्यांनी धर्माचा कधीच पुरस्कार केला नाही, अशी भूमिका नागपूर मधील हिवाळी अधिवेशनाच्या शेवटच्या दिवशी अजित पवार यांनी मांडली होती. यावरुन आता वाद निर्माण होताना दिसत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
