सबस्क्राईब करा
मुंबई : "महाराष्ट्र राज्य हे मराठी भाषिकांचे राज्य म्हणून ओळखले जाते. महाराष्ट्राचे हृदय असलेली मुंबईसहित संयुक्त महाराष्ट्र व्हावे यासाठी अनेकांनी आपल्या प्राणाची आहुती दिली होती. पण या राज्यात आज गुजरातीचे दिंडोरे पिटवले जात आहेत. आज महाराष्ट्राला किडके मुख्यमंत्री मिळाले आहेत. त्यांना मराठी बोलण्याची लाज वाटते आणि आम्हाला त्यांची लाज वाटते" अशा तडकाफडकी प्रतिक्रिया मुख्यमंत्री एकनाथ शिंदे यांच्या भाषणावरून नेटकऱ्यांनी व्यक्त केल्या आहेत.
ठाणे येथील आपल्या भाषणाची सुरूवात मुख्यमंत्री एकनाथ शिंदे यांनी गुजराती भाषेतून केली आहे. २० जून रोजी सायंकाळी ही सभा झाली. गुजराती बांधवांना संबोधित करताना त्यांनी थेट गुजराती भाषेतून सुरूवात केल्यामुळे मुख्यमंत्र्यांना सभेत टाळ्यांचा प्रतिसाद मिळाला. यासंदर्भातील व्हिडिओ सोशल मीडियावर व्हायरल झाला आहे.
दरम्यान, मुख्यमंत्र्यांचा हा व्हिडिओ व्हायरल झाल्यानंतर नेटकऱ्यांनी त्यांच्यावर टीकेची झोड उठवली आहे. "आम्हाला स्टॅलिन सारखा स्वतःच्या भाषेचा अभिमान बाळगणारा आणि मान राखणारा हवाय, गुजरातचा गुलाम नाही, १०७ हुतात्मांचा आणि मराठी भाषिकांचा अपमान केल्याबद्दल त्यांच्यावर गुन्हा दाखल करण्यात यावा, मराठी राज्यात हे चाललंय काय? हेच का ते बाळासाहेबांचे विचार" अशा संतप्त प्रतिक्रिया नेटकऱ्यांनी व्यक्त केल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
