शिवसेनेत अभूतपूर्व बंड झालं आणि एकनाथ शिंदे शिवसेनेतले बहुसंख्य आमदार घेऊन पक्षातून वेगळे झाले. त्यानंतर शिवसेनेत ठाकरे आणि शिंदेंचे जणू दोन गटच पडले. या दोघांमधली वादाची ठिणगी थेट सर्वोच्च न्यायालयात पोहोचली आहे. अशातच ठाकरे शिंदे आमनेसामने येण्याच्या चर्चा रंगू लागल्यात.
याचं कारण म्हणजे मुख्यमंत्री एकनाथ शिंदे यांनी शिवसेनेला एक पत्र लिहिलं आहे. या पत्राद्वारे त्यांनी चहापानासाठी शिवसेनेला आमंत्रित केलं आहे. शिवसेनेच्या ठाकरे गटाचे प्रतोद सुनील प्रभू यांना हे पत्र लिहिलेलं आहे. पावसाळी अधिवेशनाच्या पूर्वसंध्येला आयोजित चहापानाचं आमंत्रण या पत्राद्वारे देण्यात आलं आहे. या निमित्ताने महाराष्ट्राच्या विकासाच्या दृष्टीने आपल्याबरोबर अनौपचारिक, मनमोकळी, सौहार्दपूर्ण वातावरणात चर्चा व्हावी, या हेतूने निमंत्रित करत असल्याचं पत्रात लिहिलेलं आहे.
महाराष्ट्र विधानमंडळाचं पावसाळी अधिवेशन उद्या म्हणजे १७ ऑगस्टपासून सुरू होत आहे. त्या पार्श्वभूमीवर आता सत्ताधारी आणि विरोधकांमध्ये तयारीला सुरुवात झाली आहे. आज संध्याकाळी हा चहापानाचा कार्यक्रम होणार असून त्यानंतर लगेचच राज्य मंत्रिमंडळाची बैठक होणार आहे. खातेवाटपानंतरची ही पहिलीच बैठक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.