गेल्या काही दिवसांपासून मनसे अध्यक्ष राज ठाकरे यांच्या घरी भाजप नेत्यांच्या भेटीचा सिलसिला पाहायला मिळत आहे. आगामी मुंबई महापालिका निवडणुकीच्या तोंडावर मनसे-भाजप युतीच्या चर्चांना उधाण आलं आहे. दरम्यान, आता मुख्यमंत्री एकनाथ शिंदे राज ठाकरे यांच्या शिवतीर्थ या निवासस्थानी जाऊन त्यांची भेट घेणार असल्याची माहिती समोर आली आहे.(CM Eknath Shinde will meet mns Raj Thackeray today Maharashtra politics)
आज मुख्यमंत्री एकनाथ शिंदे हे राज ठाकरे यांची आज सायंकाळी ४ वाजता भेट घेणार असल्याची चर्चा आहे. राज ठाकरे यांच्या शिवतीर्थ या निवासस्थानी ही भेट होणार असल्याचे सांगण्यात आले आहे.
तत्पूर्वी, भारतीय जनता पक्षाचे नेते आणि मुंबईचे भाजप अध्यक्ष आशिष शेलार यांनी राज ठाकरे यांच्या घरी जाऊन बाप्पाचे दर्शन घेतले. यापूर्वी भाजपचे प्रदेशाध्यक्ष चंद्रशेखर बावनकुळे यांनीही राज ठाकरे यांची दोन दिवसांपूर्वी भेट घेतली होती.
आगामी मुंबई महापालिका निवडणुकीच्या तोंडावर मनसे-भाजप युतीच्या चर्चांना उधाण आलं आहे. मुंबई महापालिका काबिज करण्यासाठी भाजप मनसेसोबत युती करणार असल्याची चर्चाही सुरू आहे. विशेष म्हणजे पुढच्या आठवड्यात केंद्रीय गृहमंत्री अमित शाह आणि भाजपचे राष्ट्रीय अध्यक्ष जे. पी. नड्डा मुंबई दौऱ्यावर येणार आहेत. त्याआधीच एकनाथ शिंदे हे राज ठाकरेंची भेट घेणार असल्यानं राजकीय वर्तुळात चर्चांना उधाण आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.