'आम्ही नाही ती अंडी उबविली'; मुख्यमंत्र्यांची 'भाजप'ला टोलेबाजी

बारामती - चांगल्या कामात अडथळे आणले जातायंत हे चुकीचे आहे. आम्ही नाही ती अंडी उबविली असे म्हणत मुख्यमंत्र्यांनी अप्रत्यक्ष भाजपा नेत्यांवर निशाणा साधला आहे. सर्व पवार कुटुंबीय हे विकासाच्या ध्यासात रमलंय. फक्त विकासाचे काम करतात. राजकारणात टीकाकार असतात आणि असलेच पाहिजे. आम्हीसुद्धा तुमचे एकेकाळी टीकाकार होतो. राजकारणात पटत नाही म्हणून चांगल्या कामात अडथळे आणणे ही आपली संस्कृती नाही, असे प्रतिपादन मुख्यमंत्री उद्धव ठाकरे यांनी केले आहे. आज ते बारामती येथे बोलत होते.

यावेळी त्यांनी पवार कुटुंबियांचे कौतुक केले. पवार कुटुंब विकासात रंगल आहे. राजकारणात विघ्नसंतोषी खूप आहेत, ते असतातच, परंतु याकडे दुर्लक्ष करुन आपल्या कामात गुंतुन ते तडीस नेणे आवश्यक आहे. ते काम पवार कुटुंबिय करत आहेत. राजकारणात पटत नाही म्हणून चांगल्या कामात अडथळे आणणे ही आपली संस्कृती नाही. राज्याचे नाव देशात व्हावे यासाठी मी सर्वोतपरी प्रयत्न करेन, असा विश्वासही त्यांनी यावेळी दिला.