Eknath Shinde: 'CMOतून तुरुंगातील गुन्हेगारांशी डीलिंग, निवडणुकीआधी काढणार बाहेर'; ठाकरे गटाच्या नेत्याचा गंभीर आरोप

राज्याच्या राजकारणात अनेक घडामोडी घडत असतानाच नेत्यांना ऐकमेकांवर आरोप प्रत्यारोप करण्यास सुरूवात केली आहे. अशातच ठाकरे गटाच्या नेत्याने मुख्यमंत्री एकनाथ शिंदे यांच्यावर अत्यंत गंभीर आरोप केले आहेत. ठाकरे गटाच्या नेत्याने केलेल्या या आरोपामुळे राज्याच्या राजकारणात एकच खळबळ उडाली आहे.(Latest Marathi News)

मुख्यमंत्री कार्यालयातून राज्यातील तुरुंगातील अट्टल गुन्हेगारांशी संपर्क साधला जात आहे. त्यांच्याशी डिलिंग केली जात आहे. तसेच या अट्टल गुन्हेगारांना निवडणुकी आधी बाहेर आणण्याचा प्रयत्न केला जाणार आहे, असा आरोप या नेत्यांने केला आहे.तर याबाबतचे पुरावे लवकरच देणार असल्याचंही त्यांनी माध्यमांशी संवाद साधताना स्पष्ट केलं आहे.

मुख्यमंत्र्यांच्या कार्यालयातून अनेक तुरुंगातील मोठ्या गुन्हेगारांशी संपर्क साधला जात असुन काहींना जामीन देऊन बाहेर काढण्याचा प्रयत्न सुरू आहे. त्याबाबतचे पुरावे मी लवकरच देईल. 302च्या गुन्ह्याखाली आत असलेल्या गुन्हेगारांना निडवणुकीपूर्वी बाहेर काढण्याचा प्रयत्न सुरू आहे. त्यासाठी गुन्हेगारांशी डिलिंग सुरू असल्याचा गंभीर आरोप ठाकरे गटाचे नेते आणि खासदार संजय राऊत यांनी केला आहे.(Latest Marathi News)

तर या घडामोडी घडत असातानाच गृहमंत्री काय करत आहेत? या गोष्टीचा देवेंद्र फडणवीस यांना राग आला पाहिजे, असंही राऊत म्हणालेत. तर मी लोकप्रतिनिधी आहे. राजकारण नंतर. तुम्ही घटनात्मक पदावर आहात मिस्टर फडणवीस. आमचं काय वाकडं करणार आहात? जे करायचं ते करा. हिंमत असेल तर आमनेसामने लढा, असं आव्हानही संजय राऊत यांनी फडणवीसांना दिलं आहे.

तर मुख्यमंत्र्यांच्या कार्यालयातून तुरुंगातील गुन्हेगारांशी कसा संवाद सुरू आहे याची माहिती मी लवकरच देणार आहे. सरकारमधील लोक मुंबईपासून नाशिकपर्यंतच्या तुरुंगातील कैद्यांशी संवाद साधत आहेत. तुरुंगात मोबाईलचा वापर सुरू आहे. मुख्यमंत्र्यांच्या कार्यालयात जे सुरू आहे ते लवकरच बाहेर काढेन असंही राऊत म्हणाले आहेत. तुरुंगाच्या दारात कैद्यांची भेट घेतली जात आहे. मुख्यमंत्री कार्यालयावर लक्ष ठेवा. मुख्यमंत्री कार्यालयात अंडरवर्ल्डची टोळी बसली आहे, अशी टीका देखील राऊत यांनी केली आहे.(Latest Marathi News)