एकनाथ शिंदेंच्या शिवसेनेतील नेते संजय शिरसाट यांनी लोकसभा निवडणुकीआधीच काँग्रेसचे नेते अशोक चव्हाण हे भाजपमध्ये जाणार असल्याचं वक्तव्य केलं. त्यांच्या या वक्तव्यावरून राजकीय चर्चा सुरू असतानाच अशोक चव्हाण यांनी प्रत्युत्तर दिलं आहे.
शिरसाटांच्या वक्तव्यावर प्रतिक्रिया देताना अशोक चव्हाण म्हणाले की, संजय शिरसाट भविष्यकार आहेत का? शिरसाट यांचं वक्तव्य गांभीर्याने घ्यायची गरज नाही असे चव्हाण यांनी म्हटले आहे. खरं तर त्यांना मंत्रीमंडळात स्थान मिळत नसल्याने, मंत्रीमंडळाचा विस्तार होत नसल्याने शिरसाट हे लवकरच उध्दव ठाकरे यांच्या शिवसेनेत जातील असे भाकीत देखील अशोक चव्हाण यांनी केलं आहे.
शिरसाट काय म्हणाले होते?
काँग्रेसमध्ये एक वाक्यता नाही. अशोक चव्हाण आणि नाना पटोले यांचं जमत नाही. बाळासाहेब थोरात आणि अशोक चव्हाण यांचं जमत नाही. मला तरी असं वाटतं आहे की अनेक दिवसांपासुन ज्या घडामोडी सुरू आहेत, त्यानुसार अशोक चव्हाण हे लोकसभेपूर्वी भाजपमध्ये जातील असं माझं मत आहे असं संजय शिरसाट यांनी म्हंटलं आहे.
एवढा मोठा नेता असून त्यांना काँग्रेसमध्ये बरोबर वागणूक मिळत नाही. ते निश्चितच भाजपमध्ये जातील. तसेच प्रयत्न चालू आहेत. अनेक घडामोडी तशा सुरू आहेत. बाळासाहेब थोरात भाजपमध्ये जाणार नाहीत. कारण विखे आणि थोरात यांचं विळ्या भोपळ्याचं नातं आहे. विखे पाटील जर काँग्रेसमध्ये गेले तर थोरात भाजपमध्ये जातील. असं त्यांचं उलटंपालटं गणित आहे. पण अशोक चव्हाण यांनी भाजपमध्ये जाण्याची मानसिकता तयार केली आहे, असा दावा संजय शिरसाट यांनी केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
