राहुल गांधी यांच्या नेतृत्वाखाली निघालेल्या भारत जोडो यात्रेच्या स्वागताच्या तयारीत काँग्रेस पक्षाचे कार्यकर्ते सध्या व्यस्त आहेत. पुणे आणि पश्चिम महाराष्ट्रातील पक्षाचे कार्यकर्ते मराठवाडा आणि विदर्भातील यात्रेत सहभागी होणार आहेत. राज्यातील नेते यात्रेच्या तयारीत व्यस्त असताना राहुल गांधीसोबत पायी चालण्यासाठी देखील कॉंग्रेसच्या नेत्यांकडून विशेष तयारी केली जाते.
कॉंग्रेसच्या या यात्रेत पक्षाचे नेते राहुल गांधी हे दिवसाला पंचवीस किमी चालत असल्याने या यात्रेत चालण्यासाठी, स्टमीना टिकवण्यासाठी कॉंग्रेसचे महाराष्ट्रातील नेते व्यायाम करत आहेत. राहुल गांधी यांचा फिटनेस पाहाता राज्यातील इतर नेत्यांना त्यांच्यासोबत चालण्यासाठी कॉंग्रेसचे ज्येष्ठ नेते अशोक चव्हाण, बाळासाहेब थोरात हे दररोज चालण्याची प्रॅक्टिस करत आहेत. तसेच सतेज पाटील, यशोमती ठाकूर, नितीन राऊत देखील विशेष मेहनत घेतान दिसत आहेत.
नॅशनल फुटबॉल खेळाडू असलेले विश्वजित कदम नेहमीच जॉगिंग करतात, भारत जोडो यात्रेसाठी कदम हे देखील आता सहा किमी जॉगिंग दररोज करत आहेत. कॉंग्रेसचे प्रदेशाध्यक्ष नाना पटोले हे देखील नेहमीच व्यायाम करत असतात, त्यामुळे त्यांची पण तयारी जोरात सुरू आहे. भारत जोडो यात्रेत तयारीच्या जबाबदारी सोबत या यात्रेत चालण्यासाठी देखील नेते आतापासून मेहनत घेताना दिसत आहेत.
दरम्यान भारत जोडो यात्रा 7 ते 20 नोव्हेंबर या कालावधीत महाराष्ट्रात असेल आणि 382 किमीचा प्रवास असेल. नांदेड, हिंगोली, वाशिम, अकोला, बुलढाणा, जळगाव, जामोद या भागातून ती जाईल. नंतर ते मध्य प्रदेशच्या दिशेने जाईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
