MLC Election 2022: मविआची एक विकेट पडणार; चंद्रकांत पाटलांचा दावा

मुंबई : विधानपरिषदेच्या निवडणुका दोन दिवसांवर आल्या असून तब्बल १० उमेदवारांसाठी २० जूनला मतदान होणार आहे. यासाठी महाविकासआघाडीचे सहा तर भाजपचे पाच उमेदवार रिंगणात आहेत. राज्यसभेला अपक्ष आमदारांची मतासाठी फाटाफुट झाली होती. तशी अवस्था परत होऊ नये यासाठी सर्व पक्षांकडून खबरदारी घेतली जात आहे. दरम्यान नाना पटोले यांच्याकडून पराभवाच्या कारणांची स्क्रिप्ट बनवली जात असल्याचा आरोप भाजपचे प्रदेशाध्यक्ष चंद्रकांत पाटलांनी केला आहे.

(Chandrakant Patil On Nana Patole)

दरम्यान नाना पटोले यांनी माध्यमांना बोलताना आमच्या आमदारांना धमकावण्याचे फोन येत आहेत. हे फोन ईडीकडून येत असल्याचा आरोप त्यांनी केला आहे. त्यानंतर चंद्रकांत पाटलांनी त्यांच्या मुद्दा खोडून काढत त्यांच्या एका उमेदवाराचा पराभव होणार असल्याचं सांगितलं आहे. एका उमेदवाराचा पराभव झाल्यावर दिल्या जाणाऱ्या कारणांची स्क्रिप्ट ते बनवत असल्याचा आरोप त्यांनी पटोले यांच्यावर केला आहे. महाविकास आघाडीच्या एका उमेदवाराचा पराभव होणार असल्याचा दावा त्यांनी माध्यमांना बोलताना केला आहे.

दरम्यान राज्यसभेच्या निवडणुकांच्या वेळी जसा चमत्कार झाला तसाच चमत्कार विधानपरिषदेच्या निवडणुकीवेळी होणार आहे. त्यासाठी सगळी रणनिती ठरवली गेली आहे असं उपमुख्यमंत्री अजित पवार म्हणाले आहेत. मताचा कोटा जास्त ठेवण्याचा प्रयत्न केला जाणार असल्याचं त्यांनी सांगितलं आहे. तसेच मत बाद होणार नाहीत याची काळजी घेतली जाणार असल्याचं मुख्यमंत्र्यांनी सांगितलं आहे.

काँग्रेसचे दोन, शिवसेनेचे दोन, राष्ट्रवादीचे दोन तर भाजपचे पाच उमेदवार रिंगणात आहेत. विधानपरिषदेची ही चुरस काँग्रेस आणि भाजपमध्ये पाहायला मिळणार आहे. कारण दोन्ही पक्षांना आपला शेवटचा उमेदवार निवडून आणण्यासाठी कसरत करावी लागणार आहे. तर भाजप आपल्या पाचही जागांवर विजय मिळवणार असल्याचा दावा भाजपचे प्रदेशाध्यक्ष चंद्रकांत पाटलांनी केला आहे. महाविकास आघाडीची एक विकेट पडणार असं ते म्हणाले आहेत. तर काँग्रेसकडून होत असलेल्या आरोपावर प्रत्युत्तर देताना ते पराभवाचे कारणं देण्यासाठी स्क्रिप्ट बनवत आहेत असा आरोप केला आहे.