मुंबई, ता. २४ : देशासह राज्यात पसरत चाललेल्या ‘जेएन.१’ या कोरोनाच्या नव्या प्रकाराचा प्रसार आणखी वाढत आहे. ‘जेएन.१’च्या नऊ रुग्णांची रविवारी नोंद झाल्याने आता राज्यात एकूण रुग्णांची संख्या १० झाली आहे. ठाणे, पुणे आणि अकोला या ठिकाणी नव्या रुग्णांची नोंद झाली आहे.
नऊ रुग्णांत पुण्यातील एका रुग्णाचा समावेश असून तो अमेरिकेतून आल्याची नोंद आहे. तसेच यापूर्वी सिंधुदुर्ग जिल्ह्यात रुग्ण आढळला होता. रुग्णांची लक्षण सौम्य असून ते उपचारातून बरे होत असल्याचे सांगण्यात येत आहे. (Latest Marathi News)
दरम्यान, रविवारी ठाणे पालिका क्षेत्रात ५ रुग्ण, तर पुणे पालिका क्षेत्रात २, तर पुणे ग्रामीण क्षेत्रात १ आणि अकोला पालिका क्षेत्रात १ असे नऊ रूग्ण आढळले. यापैकी ८ पुरुष तर १ महिला आहे. यातील एक रुग्ण ९ वर्षांचा मुलगा असून २१ वर्षांच्या तरुणीलाही संसर्ग झाला आहे. तर एकजण २८ वर्षांचा तरुण असून उर्वरित सहा जण ४० वर्षांवरील नागरिक असल्याचे सांगण्यात आले.
यातील आठजणांनी कोरोना लस घेतली आहे. हे सर्वजण घरात विलगीकरणात असल्याचे सांगण्यात आले. सर्वांना सौम्य लक्षणे आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
