Corona Update : राज्यात नव्या ९,८४४ कोरोना रुग्णांची वाढ

मुंबई : राज्यात आज दिवसभरात ९,८४४ कोरोनाबाधितांची वाढ झाली तर उपचार घेत असलेले ९,३७१ रुग्ण बरे होऊन घरी परतले आहेत. त्यामुळे राज्यातील रुग्ण बरे होण्याचं प्रमाण ९५.९३वर पोहोचलं आहे. राज्याच्या आरोग्य विभागानं ही माहिती दिली. (Corona Update 9844 new corona patients found in maharashtra in a day)

आरोग्य विभागाच्या माहितीनुसार, राज्यात आज ९,८४४ कोरोनाबाधित रुग्णांची वाढ झाली तर नवीन ९,३७१ कोरोनाबाधित रुग्ण बरे झाले आहेत. त्यामुळे आजवर एकूण ५७,६२,६६१ रुग्ण बरे होऊन दवाखान्यातून घरी पाठविण्यात आले आहेत. तर राज्यात एकूण १,२१,७६७ अॅक्टिव्ह रुग्ण आहेत. तसेच राज्यातील रुग्ण बरे होण्याचं प्रमाण आता ९५.९३ टक्के इतकं झालं आहे.

राज्यात आजवर २ कोटी ९२ लाखांच्यापुढे लसीकरण

दरम्यान, महाराष्ट्रात कालपर्यंत २,९२,९२,९०९ नागरिकांचे लसीकरण करण्यात आले. २३ जून २०२१ रोजी ६,१७,७०६ लाभार्थ्यांना लसीकरण करण्यात आले.