मुंबई : राज्यात दिवसभरात 5,787 नवीन रुग्णांची नोंद झाली आहे. त्यामुळे करोनाबाधित रुग्णांची एकूण संख्या 63,87,863 झाली आहे. तर राज्यात अॅक्टिव्ह रुग्णांची संख्या काहीशी कमी होऊन ती 63,262 इतकी झाली आहे.
दिवसभरात 5,352 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 61,86,223 इतकी आहे. यामुळे राज्यातील रुग्ण बरे होण्याचे प्रमाण 96.84 टक्के एवढे झाले आहे.
दरम्यान, राज्यात मृत्यूचा आकडा काहीसा कमी झाला असून आज 134 रुग्ण दगावले आहेत. शुक्रवारी 158 रुग्णांचा मृत्यूची नोंद झाली होती. औरंगाबाद मंडळात एकाही मृत्यूची नोंद झाली नाही. कोल्हापूर मंडळात आज सर्वाधिक मृत्यू झाले असून तेथे 45 मृत्यूची नोंद झाली. तर ठाणे 15, नाशिक 20, पुणे 44, लातूर 7, अकोला 2 व नागपूर मंडळात एक मृत्यू नोंदवला गेला. राज्यातील मृत्यूदर 2.11 टक्के इतका आहे. तर मृतांचा एकूण आकडा 1,34,909 वर पोहोचला आहे.
आजपर्यंत तपासण्यात आलेल्या 5,07,59,767 प्रयोगशाळा नमुन्यांपैकी 63,87,863 (12.58 टक्के) नमुने पॉझिटिव्ह आले आहेत. सध्या राज्यात 3,73,812 व्यक्ती होमक्वारंटाइनमध्ये आहेत तर 2,512 व्यक्ती संस्थात्मक क्वारंटाइनमध्ये आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
