मुंबई : राज्यात आज दिवसभरात 5,225 नवीन रुग्णांची नोंद झाली. त्यामुळं करोनाबाधित रुग्णांची एकूण संख्या 64,11,570 झाली आहे. राज्यात अॅक्टिव्ह रुग्णांची संख्या काहीशी कमी होऊन 57,579 इतकी झाली आहे.
आरोग्य विभागाच्या माहितीनुसार, आज दिवसभरात 5,557 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 62,14,921 इतकी आहे. यामुळे राज्यातील रुग्ण बरे होण्याचं प्रमाण 96.93 टक्के एवढं झालं आहे.
राज्यात मृत्यूचा आकडा काहीसा कमी झाला असून आज 154 रुग्ण दगावले. मंगळवारी 158 रुग्णांच्या मृत्यूची नोंद झाली होती. अकोला मंडळात एकाही मृत्यूची नोंद झाली नाही. पुणे मंडळात आज सर्वाधिक मृत्यू झाले असून तेथे 67 मृत्यूची नोंद झाली. ठाणे 23, नाशिक 18, कोल्हापूर 39, औरंगाबाद 2, लातूर 4, नागपूर 1 मृत्यू नोंदवले गेले. राज्यातील मृत्यूदर 2.11 टक्के इतका आहे. तर मृतांचा एकूण आकडा 1,35,567 वर पोहोचला आहे.
आजपर्यंत तपासण्यात आलेल्या 5,17,14,950 प्रयोगशाळा नमुन्यांपैकी 64,11,570 (12.4 टक्के) नमुने पॉझिटिव्ह आले आहेत. सध्या राज्यात 3,29,047 व्यक्ती होमक्वारंटाइनमध्ये आहेत तर 2,614 व्यक्ती संस्थात्मक क्वारंटाइनमध्ये आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
