राज्यातील रुग्णसंख्या उतरणीला; दिवसभरात तीस हजारहून कमी रुग्ण

मुंबई: राज्यात गेल्या काही दिवसांपासून कोरोनाची रुग्णसंख्या वाढताना दिसत होती. त्या पार्श्वभूमीवर राज्य सरकारने काही निर्बंध कडक केले होते. तसेच शाळा-कॉलेजेस देखील बंद केले होते. मात्र, आता पुन्हा एकदा निर्बंध शिथिल करण्यात येत असून शाळा-कॉलेजेस देखील सुरु करण्यात येत आहेत. कोरोनाची (Corona) रुग्णसंख्या आता उतरणीला लागली आहे. गेल्या काही दिवसांपासून चाळीस हजारच्या वर दैनंदिन रुग्णसंख्या होती मात्र, आता ती तीस हजारच्याही खाली गेल्याने दिलासा मिळाला आहे. (Corona Update Maharshtra)

आज राज्यात २८,२८६ नवीन रुग्णांचे निदान झाले आहे तर राज्यात आज ३६ कोरोना बाधित रुग्णांच्या मृत्यूंची नोंद झाली आहे. सध्या राज्यातील मृत्यूदर १.८८% एवढा आहे. आजपर्यंत तपासण्यात आलेल्या ७,३५,११,८६१ प्रयोगशाळा नमुन्यांपैकी ७५,३५,५११ (१०.२५ टक्के) नमुने पॉझिटिव्ह आले आहेत. सध्या राज्यात १४,३५,१४१ व्यक्ती होम क्वारंटाईनमध्ये आहेत तर ३,४०२ व्यक्ती संस्थात्मक क्वारंटाईनमध्ये आहेत.

ओमिक्रॉनबाबत काय आहे सध्यस्थिती?

आजपर्यंत राज्यात एकूण २८४५ ओमिक्रॉन विषाणू बाधित रुग्ण रिपोर्ट झाले आहेत. आज राज्यात ८६ ओमायक्रॉन संसर्ग असणारे रुग्ण रिपोर्ट झाले आहेत. हे सर्व रुग्ण राष्ट्रीय विषाणू विज्ञान संस्थेने रिपोर्ट केले आहेत. रुग्णांचा रुग्णांचा तपशील खालीलप्रमाणे आहे -

• नागपूर- ४७

• पुणे मनपा-२८

• पिंपरी चिंचवड मनपा-३

• वर्धा-२

• मुंबई, अमरावती, यवतमाळ, भंडारा, ठाणे मनपा, आणि पुणे ग्रामीण- प्रत्येकी-१